France nih Messi hi Kham Khawhlo In Arun Piin Ahnu Leiin Dawi An Fawi –


Tutan ah Argentina boss Messi hi ruahnak leng in a cawlcang khomi asi. Argentina hi match khatnak lawngah ruah lo piin an rak sung. Cu hnu poh poh cu final luhnak tiang ah an sung ti lo. Uruguay he an chuih lio hna ahcun Messi pakhat lawng hi minung 5 hna nih an but nain an tei lo. Tutan zong hi France nih Messi hi kham khawh lo an fawi ngaingai ko hih.


Laimi nih kan kan ineihchun pasaltha salai Joshua aa thua than lai. Amah adironhtu ding pa hi Cleveland McLean asi i, “Baby Beast Mode” tiah min pekmi asi. Kum 33 upa asi I, Octagon cungah voi 25 aa thua cang I, voi 16 teinak a hmu mi asi. Voithum  bak submission in a rak sung bal ve. Tutan ah Joshua “The Fearless “ Van hi Octagon cungah voi 6 aa thong I, voi 5 teinak a hmumi asi ve. Experience ah cun an ithlau taktak.

Tutan ah mah hna pahnih hi FURY 72, December 18 ah an I thua lai. An ithuatnak hmun hi US ah asi lai. Tutan Joshua dironhtu minak pa hi voitampi aa thong cang mi asi ko nain Joshua caah phan ding zeihmanh a um lo.

NLD Model In Dohthlennak Kalpi Hi Kan Ngawl Lo Ahcun Ralhrang Kan Thluk Khawh Lailo- Paucan Dohthlennak hi GZ nih an thawk mi le an hruai mi Nationalism Dohthlennak asi. GZ cu Raldohnak lawng ah hmai kan suan ter hna i Uktu le Luban cu NLD Model hna nih kan tlai dih. Nationalism (CHINISM) timi kha NUG, MPs, CRPH, NUCC le ICNCC nih NLD Model ah thlen kan duh.

NLD Model nih Pau Dohthlennak cu an kan buaibai ter i an kan nawnnawk dih. Chinram le Tlangcungmi hmun lawng ah NLD Model buaiter tu asi lo. Kawlte PDF LDF le EROs hrim ah a buaibai ter dih cang. Raldoh loin kanmah le mah kan i zuamcawh ah kan i zaa. Sakai le Makui ah raldoh bak mi Bo Nagar (MRNA), BPLA, ABIA, SOF, SAF, Bo Cakei tbk cu NLD Model tama nih an cihmih an i timh. NLD le NUG nih a ciasa in a theipar ei bar dih kan I timh ahcun kan tlau cang.

NLD model tama pawl kan palh nak nganbik cu: Kanmah duh in kan merh khawh mi PDF LDF lawng Meithal le phaisa kan bawmh hna. Raldoh tikah an I thawh fawn lo. NUG nih bawmhmi Meithal le Uniform cu Khawlalnak tu ah an hman. Khuami an mit kan kemh tuk cang hna. Khuami tampi nih an kan remh ti lo. Raldoh mi PDF LDF hna hi NUG nih meithal bawmh lo mi hna an si tawn. Meithal an I za lo caah, Raldoh lomi an hawi le sin ah Meithal hlan chawm in ral an do.

Raldohnak kan tei I, Rallokap zeimawzet kan thah hna tikah kanmah tuah mi lawng te asi tiah, NLD Model tama hna nih Social Media ah an phuan. Raldohnak aum lo paoh NLD Model asilomi PDF LDF cu kan doh hna. Meithal in kan doh hna bantukin Social media ah kan doh rih hna. Cucaah NUG ah Pumkhat kan si khawh ti lo

NUG le CRPH a um hlan ah Cozah le Ralkap a ngeih cang mi PDF LDF sinah NUG nih cozah le Ralkap kan dirh hnawh hna tikah Phu hnih ah kan I ṭhen colh ve. A um cia mi Krifabu ah Crusade va tuah I, bu va cheuh bantuk asi caah, lungrual nak le pumkhat sinak aum khawh ti lo. Cucaah NUG Kuttang le NUG Kuttang lo PDF LDF I dohnak an um tawn Hriamnam in aa doh lo mi nih Social Medi ah I doh zungzal asi. Hi vialte a ruang hi NLD Model tama hna ruangah asi.

Pumkhat kan si khawh lo i Hmunkhat te ah, Voikhat te ah Ral kan doh khawh lo nak a ruang le a phen tu hi NUG, MPs le NLD lila kan si tawn. Kawlram pumpuluk raldoh loin CHIN KACHIN KAREN KAYA SAKAI MAKUI lawng raldoh asi NLD model in kan kal caah EAOs in Federal Ralkapbu kan siam khawh ti lo. EAO tam deuh nih NUG an kal tak I, Rallokap an kawp. NUG a hawikom EAOs hi 4-5 lawng an si. Cuhmanh ah CNF le NUG pehtlaihnak lawng hi a dik mi asi.

NLD hrim ah SAC ah Surrender tuah mi MPs 120 leng an si. 2023 thimhnak lut an duh. VP Henry VT zong SAC VP2 asi rih. Thlahlawh a hlam rih. Zo Bawi Soe Htet Sui Thio te zong SAC sin ah Surrender an tuah ve. MPs, ICNCC, NUCC, CRPH, NUG nih NLD model hi kan kal tak lo ahcun NLD hrawk tu le Pau Dohthlennak hrawk tu hi NLD minung le NLD Model lila asi te lai.

Thakbere a hrawk tu hi amah thakbere rungrul asi. Facang a hrawk tu facang rungrul asi. Thakbere rungrul nih Facang le fangvoi an hrawk ballo. Tilawng a pil ter i a hrawk tu hi lamhlat pi ah a um mi TI le rili an si lo. A pawng ah a um mi TI le Rili nih Tilawng an pilh ter tawn. Mau cu amah a thei ruang ah an thi tawn. Mau an par i an tlai tikah Mau zong an thi, Mangṭam a tlung ve.

NLD model hi kan kal tak duh lo ahcun Paucan Dohthlennak tei cu chimh hlah, sungh khawh asi ti hi philh lo ding asi lai. NLD Model nih Pau Dohthlennak hi Zawng Parathlei asi ter te lai.Ralhrang Rallokap thluk cikcek kan duh ahcun NLD model hi thah cang rawh usih, Mithi khua ah kuat cang usih. Kan ziaza le kan ṭial kal tak cang usih. Joseph R Thang



Source link

Add a Comment

Your email address will not be published. Required fields are marked *