France Team an zawt len caah Argentina vanthat dawh si


Atutan Qatar ah an tuahmi World Cup ah France cu Final ah an kai i, Argentina he atu a rauh hlah ah an i tong cang lai.

Asinain, France Team chung in Quarterfinals dih in zawtnak ruang ah a chuih kho lomi minung 2 an um.

Semifinal ah khan Adrien Rabiot le Dayot Upamecano hi zawtnak ruang ah an chuih kho ti lo. Atu ah an tha deuh cang lai tiah zumh an si.

Asinain, Semifinal hnu ah minung 3 a thar in an zaw than. Varane, Konate le Coman hi Seimifinal dih ah an zawt chap. Atu ah France nih bawlungchuihtu mizaw 5 an ngeih hna.

Hi hna pawl hi cacawn ninga ni Training zong ah an i tel kho hna lo an ti. Zarhte ni ah an i tel le tel lo belte theih a si lo.

Zei ruang ah dah an zawt timi kong he pehtlain France coach (Nipyah) Didier Deschamps nih, “Hika khuati hi a vun kik deuh. Tlangrai aa chokvakmi zong um sehlaw a dawh. Cun, khuati a kih deuh pin ah Aircon hi on zungzal a si i, mah ruang cun si dawh a si,” tiah a chim.

A zawmi pawl cu hawidang an chawnh hna lo nakhnga a dang tein kan thlopbul hna tiah a chim chap.

France Team ah chungtel a simi Randal Kolo Muani nih cun, “Tlangrai sawhsawh a si ko. An tha colh ko lai. Argentina he Final zong ah an chuih kho lai tiin ka ruah ko,” tiah a chim.



Source link

Add a Comment

Your email address will not be published. Required fields are marked *