Furpi I Vok A Zawt Bik Nak A Ruang ? Zohkhenh Ning

Tulio kan ni khua le kan caan hi furpi kan vun phan cang tik ah kan zuat sattil- arva an ngandam nak hi zohkhenh deuh ii zuam kan hau. A ruang cu tu bantuk fur caan ah ruahtii a tam an umnak hmun le hma a ciin peng tik ah zawtnak rungrawl pawl an I nuam an nun duh khun caan te a si.

Cu lak ah Lai tlang ah a cang leng mang mi
Classical Swine Fever (CSF) kan ti I kan theih ngai mi (ဝက်ဝမ်းကျ) zawtnak kong tlawm te kan rak tial.

Pestivirus ruang ah a si I damh a har, ii chonh a fawi tuk mi zawtnak a si. Hi zawtnak nih hin vok pum chung I zawtnak khamh tu kha a tha a der ter I a dang dang bacteria ruang ah a tlung mi zawtnak phun phun a luh ter chin khawh.

Zeitin dah vok zawtnak an I chonh khawh?

• A zawmi vok in a chuak mi a hnap le a cil pawl in vok dang a chonh khawh
• Zawtnak rung rul aa tel mi vok rawl in aa chonh khawh ( kholhnawn, mi inn vok rawl kan donh mi pawl tbt.)
• Minung le minung hman mi vokrawl pek nak pawl zong in vok dang chonh khawh a si

Hi zawtnak in na vok a zawt ah cun

• Rawl a ei lai lo, a mit cuu a tawh lai, a mit a chin dih lai, a thaw chuah a suk lai, nikhat ni hnih nak a ek a fer lai I nithum nak hrawng ah a chung a tlik lai, a ek ah thi a tel lai, a tak a lin tuk lai a si lo ah a kik dih lai, a pum ah a sen thluah mah lai, a tak a lin lai ( Temperature 106.C leng a si lai)

Mah zawtnak hi zawtkhamnak sii chunh lawng in khamh khawh a si.

Zawt khamnak sii chunh na duh a si ah cun “ Fidi Veterinary Supplies and Service” ah peh tlaih khawh kan si. Credit- Fidi Veterinary and supplies service

Be the first to comment

Leave a Reply

Your email address will not be published.


*