Gabaryadana Bank Manager Thilak Meithal in an kap

Gabayadana Bank branch manager bank hmai ah meithal in an kap that. Yangon ramthen Taungdagon pyine Gabayadana bank branch cu April 18 nihin zingka ah hngalhlo mi mibu hna nih damiah teih an timh i meithal in an kap hna caah Bank manager a thi tiah GTB chairman U Maung Maung Theih nih RFA ah a chim.

Nihin zingka suimilamam 8 cheu hrawnghrang ah khan mi zeibu tiah hngalh lo mi motor pakhat in minung pali an hun phanh i damiah teih timh ah Bank manager pakhat thilak an kah that.

Bank manager pa cu meithal in an kap hnu ah sizung an kalpi nak lampi ah a thi. Meithal in an kah mi Bank manager pa hi U Saw Moe Win cu sizung an kalpi cuahmah lio lampi ah a thi tamtuk a chuak i a nunnak a liam hi a si tiah GTB chairman nih a chim.

Meithal kahnak a chuak in Gabaryadana bank pawngkam hrawnghrang cu ralhrang polik pawl an i hel len ko tiah Taungdagon sang 19 um pakhat nih RFA ah a chim. Meithal kahnak a chuak tiah an chim cu ka theih. Suimilam pakua tluk ah ralhrang motor an i chawh cu ka hmuh tiah a chim.

A liamcia nikum July thla chung ah khan Taungokkala, Gabaryadana bank branch pakhat zong damiah an rak teih bal hna lawng si lo in August thla chung zongah Mayankung bank branch pakhat zong damiah an rak teih ve cang.

Gabaryadana (GTB) bank hi Myanmar ram chungah branch 188 an ong i Yangon lawng ah branch 24 an on mi bank pakhat a si.

Be the first to comment

Leave a Reply

Your email address will not be published.


*