Gangaw in Zotung ram Chungah SAC ralhrang an lut, khuami an zaam dih

Gangaw in Zotung ram Chungah SAC ralhrang an lut, khuami an zaam dih

2022 June 6 ah Gangaw in Chin Ramkulh Zotung ram khua hnih chung ah SAC ralhrang an lut i khuami an zaam dih tiah Zotung CDF upa pakhat sin in thawng kan theih.

SAC ralhrang Zotung ram chung an luhnak hi Zonnak khua le Sihangthong khua ah a si i khua hnih ning in khuami ramtang ah an zaam dih.

Zotung CDF upa pakhat nih, “Nizaan tih ni ahkhan Gangaw in kan ram lei ah ralhraang an rak lut. Khuami cu an khua hnih ning in ramtang ah an zaam dih. Ramtang ah zaan hnih chung khua an sa cang. Ralhrang hna hi khoi an panh ti fiang in kan thei kho rih lo. Nizaan suimilaam 4:00PM tiang ahcun khua pawngkam in meithal le bomb a thang ngai,” tiah CCN ah a chim.

Zonnak le Sihangthong khua hi Gangaw in meng 18 hlatnak ah a um mi khua a si. Zonnak hi a inn in inn 80 le Sihangthong hi inn 50 hrawng an si.

Be the first to comment

Leave a Reply

Your email address will not be published.


*