Godd News Bak- CNF/A Le CDF Meithal Cawknak Ah Matzat Phaisa Hi An Thawh Ko

KAN THAWH CUAH MAH

Nizan June 20 le tuni June 21 ah Hmunhalh, Tiphul le Dongva khuami hna nih Kawl raalhraang dohnak ding ah $100,000 cio ($300,000) bak CBCUSA CDF Supporting Committee sin ah an rak pek/ap i Rev. Ngun Awi Khrihfabu; Dallas Chin Baptist Church le MiE Baptist Church ah lunglawm taktak in cohlannak caan hman a si.

Raalhraang dohnak ding ah khua kip nih thazaang chuah kan i zuam hna i khua 30 deng nih US dollar millions 3 renglo an thawh cang. Lawmh a um chin lengmang.

Karen ralkap nih Kawl uknak/ralkap an rak tei dengmang hna lio ah Lai ralkap nih an rak chanh/khamh hna caah atu tiang hi Chinmi cung ah Karen pawl hi an lung a faak peng. An mawh bak lo.

Ka kawi ka raal ah cang ti bang Chinmi nih kan rak khamhmi hna Kawl cozah/ralkap cu atu ah kan ram le kan miphun a hrawk dih tu kan raal nganbik ralhraang tu an si diam. Karen nih an rak tuk/tei deng hna lio ah hin ziah hme Lai ralkap nih an rak khamh/chanh hna hnga ti i zai len ṭhan lo awk hi a ṭha bak lo.

A zeipoh si ah, kan raal nganbik Kawl raalhrang hi cu kan doh hrimhrim a hau ko, leiba ngantuk Karen miphun sin ah kan rak ngei. Kawl Raalhraang a nunter tu kan rak si bantuk in a teipi ṭhantu le a thihter tu kan si ve hrimhrim bak a hau.

Cucaah, atho rih lo mi khua vialte zong tu kum chung ah thazaang chuah khawh cio i zuam hrimhrim hna usih ti kan in sawm hna.Credit- Vanceu Uk Khenglawt

Be the first to comment

Leave a Reply

Your email address will not be published.


*