Good News- Bago Ramthen Cu NUG nih a uk cang lai

Pago ramthen cu a rauh hlqn ah NUG nih w uk cang lai. NUG nih uk khawh nak ding caah KNU he chawnhbiaknak an ngei cuahmah lio pi a si nak kong cu NUG nih thanhnak an tuah cang.

Chokhleipar | May 2|2022
Bago ramthen cu NUG uknak tang a um khawh nak ding caah Kayin hriamtlai bu KNU he chawnhbiaknak kan tuah cuahmah liona si cang tiah NUG Minister of Home Affair tlaitu U Lunn Ko Lat nih a chim.

A tu hi kan ralkap hna cu Sagaing ramthen le Magwe ramthen ah cun an thawngtuk cang.36 peng tluk thate in an uk khawh cang. Culawng si lo in a dang uknak hmunhma kaunak zong kan tuah cuahmah cang.

“A tuhi Bago ramthen cu a pahnihnak a zalon mi uknak si dingah kan i zuam cuahmah lio pi a si.EAO he tha tein kan i chawnh biak lio a si. Cun KNU le kanmah NUG he a fekmi ral dohti nak ramkhel lei i pehtlaihnak tha tein kan ngeih cang caah Bago ramthen cu tha tein kan i timhtuah cuahmah cang” tiah U Lunn Ko Lat nih tuni ah a chim.

Bago ramthen lawng si lo in Ayerawaddy ramthen zong mipi ukhruai nak pehzulh in kan tuah chuah lai tiah NUG nihcun an langhter. Sagaing ramthen peng 9 chung ah mipi ukhruainak, i runvennak biaceihnak caan karlak fimcawnak tibantuk zong a tu hi kan thawk cuahmah cang tiah NUG sin in theih a si.

Myanmar American Forum nih tuanvo a lak mi Global Myanmar Forum ah Operation Bago caah phaisa hlutnak an tuah i suimilam pahnih chungah American $ ting3 leng Myanmar kyats in thing thongruk deng kan hmuh tiah Myanmar American Forum nih an langhter.

Be the first to comment

Leave a Reply

Your email address will not be published.


*