Good News~ KIA Le PDF Nih Ralhrang Uico 61 Leng An Thah Hna

Banmaw pengah KIA le PDF nih ralhrang an kah hna caah ceilak an thah hna tiah theih a si. Mithmutu hna nih an chim nak ah ralhrang ruak 30 an hmuh hna i hliamtuar khatthup in an um tiah a si. Ralhrang 61 an thi tiah Banmauk Revolution nih an thanh.

Sagaing ramthen Banmauk peng ah Nizan June 23 ah ralhrang uicobpawl cu KIA Le PDF i fonh in an kah hna caah a thimi an tam lawng si lo in hliamtuar khat thup in an um tiah theih a si.

Ralhrang uico pawl hi milu thazaang zeizat an si timi cu fiang in theih a si lo. An hmuh khawh tawknak ah cun ralhrang uico pawl 30 hrawng an thi lai. Hliamtuar hi a thimi nak in an tam deuh lai i ralhrang lei nih hriamngan voi 50 leng an kah tiah theih a si.

Banmauk Revolution nih an chim ning ahcun ralhrang uico pawl hi minung 61 an thi lai i a thimi nak in hliamtuar an tam deuh lai. A thimi pawl ruak hmanh hi anmah tein an vui kho lo tiah cathanh an chuah. Tutan i kahnak ah hin mipi ralkap lei pakhat hliamtuar tiah theih a si. Cucaah a tuhi Inndaw le Banmaw karlak lampi cu an kham cang. I kahnak a zualhma kho tiah zumh a si. Tungbing, Cycle tiang June 25 zingka 6am tiang kal lo ding in mipi ralkap nih cathanh an chuah.

Be the first to comment

Leave a Reply

Your email address will not be published.


*