Skip to content
Home » Good News- Loikaw Sizung Pi Ah SAC ralhrang Uico 100 Leng Hliamtuar An Phan

Good News- Loikaw Sizung Pi Ah SAC ralhrang Uico 100 Leng Hliamtuar An Phan

Kaya ramkulh chungah SAC ralhrang le Kaya hriamtlai phu pehzulh in an i kap peng caah kaphnih lei a thimi an um len tiah theih a si.Nihin tiangah kaphnih lei a thimi cazin an langhter kho rih lo. A ruang cu nihin ni zong i kahnak a fak ngaingai tiah theih a si.

Nihin september 24 zingka tuante zongah Phekhung, Moebay le Demoesoe peng chungah pehzulh in an i kap peng ko hna. Nizan i kahnak ah Karen hriamtlai pasaltha pakhat nih nunnak a pek I a dang pa 7 nih hliamhma an tuar tiah theih a si.

SAC ralhrang nih hin an hriamnam ngan kahthloh bak in an kah caah ral ram ah a um kan ralkap pawl zong aa khawng dwng mi le nunnak a pe mi zong an um kho tiah KA nih an thanh. SAC ralhrang lei hi nihin tiangah kan fehter khawhbmi hna cu ralhrang hliamtuar a za leng hi Loikaw sizung pi ah an chiah cuahmah hna tiah a chim.

Swptember thla chung in hin Kaya ramkulh chung ah SAC ralhrang nih biatak tein a nam hna. September ni khat in SAC ralhrang a kham tu pasaltha minung 14 nunnak a liam cang tiah theih a si.

Kaya ramkulh chungah SAC ralhrang nih a chiah mi ralhrang milu hi 7500 tluk an si lai tiah an zumh. Nain mipi ralkap pawl hi a tlawmbik 15850 hrawng an si hna lai tiah theih a si.

A si nain kaphnih pehzulh in i kah peng a si caah Kaya hriamtlai phu lei in hriamnam thazaang i deih lo khawh a si caah phan a um ngaingai tiah an langhter. Cucaah mipi pawl nih kan hriamtlai thazaang le chawva in pe rih chin lengmang ko hna uhsih.Ref-People’sSpring

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo