Good News; Mipi kan caah cun thawngpang tha tuk bak a si ko hih!!



Namhsan Le Konethar Khua Kahdohnak ah SAC Ralhrang Ruak 15 An Char, Hriamnam Tampi An Lak
=========================================
SAC ralhrang hna le TNLA tlangcung hriamtlai hna karlak kahdohnak hmun Namhsan le Konethar khua hna ah ralhrang hna ruak 15 hrawng an char i minung 2 a nung in an tlaih hna tiah Delta News Agency nih a langhter.

Nizan Dipa 14 tiang ah Konethar khua in ralhrang hna hnu an tolh hnu khuami hna nih an thinhhliamhnak ah atu bantuk in an ruak an hmuhhna hi a si i an khnaghmi ruh pawl zong hmuh an si tiah khuami pakhat nih a chim.

“Kan theih khawhtawk ah ralhrang ruak 15 le an tlaihmi minung 2 an si. Kahdohnak ah hliam a tuarmi hna kha an kaltak hna caah an tlaih hna hi a si” tiah a chim chap.

Konethar khua ah ralhrang hna nih hmunhma an khuar lio ah hin khuachung um thilri mansung hna le phaisa hna zong an fir hna i khua zong an khnagh tiah theih a si.

“Khuami hna cu khuachung ah an um ngam rih lo. Khuachung ah um an duhko zong ah an inn an khanghpiak hna caah umnak zong a ṭha lo” tiah a chim chih.

Kum 52 Kayah National Day tlin ni cu December 15 ah tuah a si. Ram le miphun caah nunnak a rak petu hna ralkap pawl upat pek nak zong an tuah. Dipa 7 in 13 tiang kahdohnak ruang ah inn 36 a rawk i inn 9 a kang tiah theih a si.

Thazang I Tak Ti Hna Uish Mah Tuanbia Hin; Izipt ram ah Pathianbia chimtu Mithiang nu Maria i a nun can ziaza cu sual nak chungin aa ngeihchih than mi hna caah zohchunh awk tlak ngai mi nunzia dawh a si.

Amah cu a ngakchiat lio tein thatlonak lam a zulmi a rak si i a ziaza thatlonak nih khuachung mi vialte kha thatlo nak lam hmuh sak tu a si tiin Alexzandar khua chung misual cazin ah an chiahmi a rak si.

Nikhat cu vailamtah Teinak puai nganpi tuahnak nithla a vun phan; cutikah Palestine ram leiah Pathian biak dingin a kalmi mibu sangphawlawng cit in a ra mi hna kha a hmuh hna; an sin kal ve ding in a lung chung in a hung chuak. Cu ti kal ve a duhnak cu Pathian biak kha siloin hmuh duh le theih duh men ah va kal ve khi a si ko. Cun Maria cu aa thawh ve.

Jerusalem khua hlipi kam ahcun Tilawng cu aa din. Cu ahcun lawng i a cuan mi vialte cu an tum dih hna i khulrang in puai tuahnak lei ah cun an kal cio. Vailamtah teinak Biakinn pi chungah cun an lut hna. Minu Maria zong cu mipi hnu zulh in biakinn chung luh ve dingah a kal ve, innka hram a phak ahkhin hmuh khawh lomi kut nih Maria cu a tlaih thup ko. Heh tiah Biakinn chung luh cu aa zuam len.

Sihmanhsehlaw hmuh lomi kut nih cun a kham caah a lut kho lo. Cu tikah Maria nih cun hi bantuk tihnung mi thil le khuaruahharnak cu zeidah a si hnga tiah a ruat len. Chikhat te ah a lung a hung fim i ka sualnak le ka thatlonak ruangah hi thil ka tawn hi a si tiah a theih. Cutikah Maria cu a pawngkam le cunglei cu a vun zoh.

Amah kha deng deuh in a rak zoh mi a thianghlim mi Mary Pathian nu zuk kha a hmuh. Cu ahcun a nunnak cu ning zahnak in a khat dih i a sualnak vialte caah ngaihchihnak mitthli he a tap.

Mary zuk hmai ahcun a khuk aa bil i ka Nu na zaangfahnak cu ka hmuhsak than ko. Ka nunnak hi kaa remh cang lai, sualnak zong ka tuah ti lai lo tiah biakamnak tuah in thla a cam. Cu hnu ah Biakinn pi chungah cun a lut kho.

Biakinn chungin an hun chuah pah ah Mary zuk hmai ah cun lawmhnak bia a chim than. Ka Nu na zaangfahnak cu na ka hmuhsak cang. Zeidah tuah seh ti na ka duh tiah khuk bil in a hal. Cu tikah Nu Mary zuk chungin aw pakhat a hung chuak mi cu, Jordan tiva ral ah khan va kal law cuka ahcun na tuah ding cu chimh na si lai tiah a ti.

Cu bia cu a theih tikah ka sualnak caah sual ngaihchihnak le sual dantatnak in awk a si ti kha a hngalh. Cu ni ahcun Thetse ramcar ah a va kal i sualngeihnak caah siseh sual dantatnak caah siseh, a ra laimi caan ah mitampi nih sual ngaihchihnak an ngeih i Pathian an theih khawh nakhnga ding caah Pathian nih a timh piakmi caan ning tein, cu ka hmun ahcun amah lawngin a va um.

Maria cu a ra laimi hna caah zohchunh aw tlak si ding in a nunnak kha thlacamnak le Pathian bia chimphuannak in caan a rak hmang i a thihnak zong hi thihnak tha a rak thi mi a si. A TIAL TU————– Saya Albert Cung Nawl

Kawlin PDF Nih Bingrang An Talih Mi An Kangh, Sagaing ramthen Kawlin peng PDF (ပ.အ.ဖ)nih bingrang chatpiat bawm in bawm (110) an tlaih mi cu mei in khangh i hrawh a si nak nihin ah an thanh. Dec-13 chun Sml 12 ah khuachung hruaitu hna mithmuh ah an khangh cu a si.

Hi bingrang (rithai sii) hi Dec-4 ni ah Byuhaa lampi hmunkhat ka ah Madalay in a rak ra mi Pajero motor No 1D/7215 ai khenh mi check nak an ngeih mi i pah-ah-phah nih an tlaih mi a si.

Bingrang sin ah Lung mansung ah zumh mi lung (23) / tat cia mi lung (9) / Hand Phone -2 / tablet-1 / laptop -1 / Keyboard -2 / Gram thlai nak -1 / lung zoh nak datmei -1 / nam -1 / MMK-168250 kyat / paisa bawm -3 / Dollar 10 / ATM card -1 tlaih chih a si nak an thanh chih.

Thilri hna he tlaihchih a tong mi minung (thilri ngei tu) pahnih hna cu phungning in an cung ah tuah a si lai nak kawlin peng mipi uk-chuk-ye phu nih theih ter nak an tuah.

CDF-Zophei Sin Ah SAC Ralkap 3 le Palik Pakhat CDM An Tuah , Hakha hrambunh SAC Ralkap 266 (Rungtlang) in SAC ralkap 3 le Hakha palik pakhat cu CDF-Zophei sin ah CDM an tuah tiah theih a si. Hakha 266 battalion in CDM atuah tu hna cu, 1. Zin Ko Htet, 2. Aung Phyo Min 3. Tat Naing Htun hna an si i,September thla ahkhan CDF- Zophei sin ah CDM an tuah cu a si tiah kan theih.

MA-2 pakhat , kuanfang 700 leng le kut in chehmi bomb lung-3 an i ken tiah theih a si. CDF-Zophei nih lawmhpinak laksawng le meithal man tangka MMK sing-150 (minung pakhat ah sing-20 cio le MA-2 caah sing-80) an pek hna i, humhimnak hmun ah an chiah hna. Palek pakhat Aung Thang tiah kawhauh mi zong CDM tuah a duh caah Hakha khuachung ah an va laak.

Anih hi Hakha Sakhan ah duty a congmi a si i G3 meithal pakhat (megazin 2) kuanfang 130, MA kuan tlawmpal le 9MM kuan tlawmpal, kuankham angki le palek hmanmi thilri dangdang he November 15 ah CDF-Zophei sinah a phan tiah theih a si. Hriamnam he CDM a rak tuahmi palek Aung Thang lawmpinak caah MMK sing-80 an pek i a humhimnak hmun tiang tuanvo lak an si nak cu theih a si.



Source link

Add a Comment

Your email address will not be published. Required fields are marked *