Goodnews Bak asi – Ralhrang Nih An Sakhan An Zaamtak Dih

Chokhleipar | May 4 |2022
Mon ramkulh Kyaikto peng Innkabo khuate i ralhrang uico hngakbuk sakhan pakhat cu May nithum nizan ah KNLA le a hawi le phu nih an luhhnawh hna i an kah hna caah uico ralhrang pawl cu an zaam dih. Cu hnu ah ralhrang hngakbuk gate cu mei inciam dihlak an khangh piak hna tiah theih a si.

Cuka ralhrang hngakbuk cu KNLA tat-maha 1 Tat-yin 3 le PDF nih an kah hna hi a si. Yaba dum chung hmunkhuar mi ralhrang hna cu KNLA le a hawi le phu nih cun an hun luhhnawh i an kah hna tik ah ralhrang pawl cu an lau tuk i an sakhan cu an zaamtak diam.

An sakhan an zaamtak diam caah mei in ciam dihlak kan khangh piak hna i tiah KRF nih thawng an thanh. Cuka hmun ralhrang hngakbuk sakhan hi a tlawmbik minung 30 tluk an umnak sakhan fa pakhat a si i a tuletu hmun an rak khur nak a si.

KNU tat-maha 1 uknak hmun a simi Kyaikto peng ahcun ralhrang nih uknak an lak hnu ah ralhrang le KNLA i fonh phu he a tultu i kahnak a chuak peng i ralhrang a thimi le hliamtuar hi an tam tuk peng nak hmun a si.

Be the first to comment

Leave a Reply

Your email address will not be published.


*