Goodnews Bak NUG – Sagaing Ramthen Le Magwe Ramthen 80% Kan Uk Khawh Cang

Sagaing ramthen le Magwe ramthen cu 80% NUG nih kan uk khawh cang tiah thawng a thanh.

Chokhleipar 21/June/2022~ Sagaing ramthen le Magwe ramthen chung thlanglei a biapi bik lamthluanpi cung ch PDF nih 90% le khuate pawl 80% cubkan uk khawh cang tiah NUG nih June 21 ah cathanh an chuah.

Cathanh chung ah hin PDF he kan dirhnak kumkhat a hun tling i biatak in ralhrang hun kahdohnak thla kua chung ah hin PDF pawl cawlcanghnak le hriamnam thilril chuah ningcang le hriamnam chanhnak kongkau ah hin biatak tein a thazaang a hung thawng chin lengmang.Professional Army siding ah a muisam a hung cuang thluahmah cang. Tuthla chung in cun Guarilla in si ti lo in tat-yin kip in hmaifonh in nam khawh ding dirhmun kan si cang tiah an thanh.

Cun hriamnam peknak lei ah hin cawk i chanh le mahte in chuah tiin phun hnih in kan tuah tiah an thanh chih.

PDF nih sagaing ramthen le Magwe ramthen chung thlanglei lampi thluan 90 % an uk khawh cang i khuate kip 80% tluk an uk khawh cang. Tharningtharri ramthen le Mandalay ramthen thlanglei i PdF pawl canghnak thazaang a hung thawng chin lai i Yangon ramthen le Pego ramthen zongah Guarilla cawlcanghnak fak deuh in an tuah lai tiah an thanh.

Cuvebantuk in Kachin ramkulh, Kaya ramkulh, Kayin ramkulh le Chin ramkulh, Mon ramkulh thlanglei hna zong kan rltqngti rual EROs le PDF nih an uknak an hun kauh thluahmah cang i Rakhin le Shan zongah EROs kan unau pawl nih an cawlcanghnak hmual a hung thawn chin lengmang cag tiah NUG nih cathanh ah an telh.Source-CNI

Be the first to comment

Leave a Reply

Your email address will not be published.


*