Goodnews Bak- Ralhrang Minung 50 Nih Citmi Bomb In An Puah Caah Ceilak An Thah Hna

Ralhrang thazaang 50 tluk motor thluan cu bomb in an puah hna caah ralhrang uico tamtuk an hlim khawh hna tiah theih a si.

Sagaing ramthen Chaung Oo- Minmu lam thluan pi ah ralhrnag uico milu thazaang 50 tluk a phormi ke 12 ngei motor cu nihin zingka 8 hrawng ah khan mipi ralkap PdF phu hna nih bomb in an phomh hna tiah
Farmers Revolution Force FRF (CHU) mih cathanh an chuah.

Mah motor pi cu nihin zinglawng a si lo. Voidang zongah an kal lengmang cang. Cucaah bomb in kan puah hna tik ah ralhrang uico pawl hi tamtuk an thi lai. An thimi zat milu cu fiang in kan thei kho rih hna lo tiah FRF chungtel pakhat nih a chim.

Ralhrang uico motor ke 12 bomb in an puahnak hmun hi Kuaipin khuate kam ah a si tiah FRG nih an langhter. Cun bomb hi 13 bak in kan tangtibphu hna zong nih an puah hnawh len hna tiah an langhter chap.

Hi ralhrang uico pawl kahnak ah hin Farmers Revolution Force FRF (CHU) lengah Myaung peng hriamtlai phu (MRA)၊ Myaung PDF CDSOM၊ Zarmini MMU hna an i fonh hna tiah an chim. Mipi ralkap PdF lei mi zeihmanh i khawng lo in hnu an kir than kho hna. A liamcia kan hnuthla June 25 zong ah khan Buminkyikin le Kuaipintaw karlak ah ralhramg motor thluan cu an rak kah ce caah uico ralhrang pawl cu ceilak bak an rak thah bal cang hna.Source-P90 Lungekhit

Be the first to comment

Leave a Reply

Your email address will not be published.


*