Goodnews bak~Kachin PDF Nih Ralhrang Uico Tli Viar In An Doi Hna

Inndaw hmunhma ah ralhrang uico pawl PDF nih an phomh hna caah ralhrang uico 9 an thah hna.
Chokhleipar

Sagaing ramthen Inndaw peng chung ah ral lam a sermi hna ralhrang uico le Kathar pengkomh an i kap caah talhrang uico pa9 nak tam an thah khawh hna. Cun hliamtuar tampi an um rih tiah theih a si.

Nizan June 15 ah khan Kathar lei in Inndaw lei kap ah ke in tal lam a sermi ralhrang uico thazaang milu 50 tluk cu Inndaw peng a Leseih khua kam ah Kathar pengkomh tat-yin 2 he suimilam 4 tluk an i kah hna tiah theih a si.

“Zingka ah ralhrang motor thenkhat cu humhimnak an lakpiak hna i khuachung ah an lut. Cuticun thawngpang kan theih i va kah ding in kan kalhnawh hna i kaphnih i kahnak a chuah hi a si. Inndaw peng Aleyseih khuate kam ah an i kap hna. Kan i kah lio kanmah lei nih kan hmuh khawh tawk hna ahcun ralhrang uico hi minung pakua an thi i hliamtuar zong an um len rih. Hliamtuar chung in an thi chap” tiah kan theih tiin PDF nih an chim.

A thimi hna an ruak cu anmah nih an char hna.khuaika lei ah an kalpi hna timi cu kan thei lo. Ralhrang lei nih hriamngan le hriam hme i pehzulh in an kah ko hna nain Kathar pengkomh PDF lei in a hohmanh hliamtuar an um hraw lo tiah theih a si. Nain ralhrang pawl nih hliam ngan an kah tuk ruangah Pintharkyi khuate pinthawng inn pakhat a rawk tiah theih a si. Sagaing ramthen le Kachin ramkulh a peh ak Pyidawngsuh lampi cungah ralhrang uico ral lamser pawl cu PDF nih a thlithup in an kah lengmang hna caah a tuletu kahnak a chuahnak hmun a si. Source-Thekachin News

Be the first to comment

Leave a Reply

Your email address will not be published.


*