Goodnews- KIA Nih Ralhrang Uico 30 Leng An Thah Hna, 60 renglo Hliam an tuar rih

Ralhrang PotaOo kalnak lam thluan pi ah 30 lengkau an thi i uico 60 renglo nih hliamhma an tuar tiah theih asi.
Chokhleipar

Myitkyina in PotaOo leiah ralhrang eidin a chanhtu motor thluan pi cu KIA nih lampi ah an hunnkah lengmang hna caah ralhrang uico motor 5 renglo an hrawh piak hna i uico 30 leng an thah hna i 60 renglo nih hlamhma an pu tiah KIA chungtel pakhat nih a chim.

A liamcia kan hnu May 11 in aa thawk i Myitkyina in PotaOo lei eidin chanh ah ralhrang milu 500 leng an kal hna i PotaOo a kainak ah voi 5 leng an kah hna i tuthlA June thla chung ah KIA nih lampi ah voi 7 an kah hna caah nihin tiang ah voi 12 kan kah hna tiah KIA Tat-maha 1 chungtel pakhat nih KNG ah a chim.

Kahnak voi 12 chung ah hin ralhrang an kai lam ah minung 10 nak tam an thi lai hliamtuar hi minung 20 leng an si hna. An rak tum lei ah hin ralhrang uico a thimi hna hi minung 20 tluk deng an si lai. Hliamtuar 40 renglo an um lai . Cucaah KiA nih thlakhat chung ah ralhrang uico 30 renglo an thi lai i 60 renglo hliamhma an tuar lai tiah pehzulh in a chim.

Ralhrang uico motor thluan pi cu thlakhat lengah Suanparan le PotaOo peng pahnih ah KIA tat-ma-ha 1, Tat-yin 7,10,22 nih hmun tampi ah an phomh hna hi asi. May thla 11 in ralhrang eiding chanh ah a kalmi uico motor thluAn cu nizan ah khN Myitkyina peng lei kap an phanh cang tiah theih asi. Source-KNG

Be the first to comment

Leave a Reply

Your email address will not be published.


*