Hakha ah CDF he pehtlaihnak nan ngei tiah an tlaih mi zung riantuan Pahnih Kong

Chin ramkulh, Hakha ah ramkulh fimcawnnak zung rianṭuan Chief Officer pakhat le Internal Revenue Department(ပြည်တွင်းအခွန်ဌာန) in Deputy Chief pakhat cu, CDF he pehtlaihnak nan ngei an ti hna i, May 24 ah an tlaih hna, tiah SAC ralkap thawnzamhnak pakhat nih a langhter.

Tlaih a tongmi hna cu ramkulh fimcawnnak zung rianṭuan Vung Huai le ramchung ngunkhuai kholhnak zung rianṭuan Aye Aye Maw an si.

Social media ah CDF he pehtlaihnak nan ngei, nan bawmh hna, Thawng dik lo nan thanh hna, rian nan ṭuanṭi tiah sual an puh hna, tiah kan theih.

Halkha ah zungkai lio zungbawi pahnih hna hi CDM an tuah lo,mino deuh Aye Aye Maw hi Halkha asi,pakhat upa deuh hi Tedim leimi Halkha zungkai a sive. CDF he nan ipehtlai tiah ralhrang nih an sual an kawl hna i,nizan ah an tlaih hna.CDF he aa pehtlai bak lo an si tiah ka theih ning si.

Chinmi CDM tuah duh lo hna,CDM na tuah lo ruangah khan ralhrang kut in ka him peng lai,ka luat peng lai ti hna i ruah lai cih.

An duh tikah poh ah sual an in puh lai i,thong an in thlak te ko lai khah.CDM na tuah lo caah ralhrang nih nan motor an hman lai,Chin ralkap kong an in hal hna lai,an duh a tlin hnu cun na hngawng an in reek te lai.

Be the first to comment

Leave a Reply

Your email address will not be published.


*