Hakha Ah Ralhrang Uico Nih An Tlaih Mi Van Hlawn Pa CDF A Si Lo

Chin ramkulh Hakha Khualipi Gankaw lei kalnak ralhhrang hngakbuk Gate ah Van Hlawn Par an tlaih.

Nizan chun suimilam 11 ah Hakha in Yangon lei a chuak mi Hakha Mann Motor cu Gankaw lei chuahnak ralhrang hngakbuk gate ah checkhlatnak an tuah i CDF he pehtlaihnak a ngeimi nu pakha Van Hlawn Par kan tlaih tiah ralhrang nih lih thawngzamhnak ah an hman mi Fiftytwo News ah an tar langh.

Van Hlawn Par hi Thantlang peng Dawn khua mi a si. Ralhrang nih Hakha Man motor aa citmi hna cu an phone an zohfel hna tik ah CDF uniform he hman aa thlak mi an hmuh. Cucaah CDF he pehtlaihnak a ngeimi a si tiah kan tlaih an ti.

A taktak ti ahcun Nu Van Hlawn Par hi CDF a si lo. An khua ah CDF uniform he hman aa thlak sawh mi a si tiah a mah naihniam hna sin in theih a si. Hakha Gankaw lei chuahnak hngakbuk ah hin Chin mino Hakha in Yangon lei kal a timi hna an phone an check hna tik ah CDF uniform he hman an i thlak len caah minung tam nawn te an tlaih cang hna.

Mah hihi a ngaite ti ahcun kanmah palh lawng te a si. Tulio ah Mino tampi nih CDF Uniform ge hmanthlak kan uar tuk. CDF tuan ngam tunglo in kan mobile he hman kan i thlak peng caah kanmah himnak a donkhan. Cun ram le miphun caah tiah CDF lut tung i chuak than a hmang mi ko caah tih a nung. Na nunnak na pek ngam tung lo ahcun chitkhat lungthawh nak men in CDF ah lut hlah uh.

CDF nan luh hnu in chuah than nan i tim tik ah nanmah caah nanmah lila nih ral nan i ser a si. Ralhrang pawl nih an tlaih cang mi CDF cheukhat hna sin in nan hmanthlak an lak dih cang. Nan hmanthlak an i fim cang caah nan him ti lo timi hi i fiang uh.

Be the first to comment

Leave a Reply

Your email address will not be published.


*