Skip to content
Home » Hakha khua siahngakchia 1 sin in Covid zawtnak an hmuh caah October 3 tiang sianginn an khar

Hakha khua siahngakchia 1 sin in Covid zawtnak an hmuh caah October 3 tiang sianginn an khar

Hakha khua siahngakchia 1 sin in Covid zawtnak an hmuh caah October 3 tiang sianginn an khar

A luancia September 27 ah Hakha khua High School sianginn i siahngakchia pakhat sin in Covid zawtnak an hmuh caah Hakha khua chung sianginn vialte October 3 tiang an khar dih tiah theih a si.

“Covid zawtnak an hmuh caah sianginn an khar, Home Study tuah ding in siangcachim nih an kan chimh, hmaizarh October 4 ah caminpuai a um. Cutik ni lawng ah kai ṭhan ding in an kan chimh, atulio cu siangcachim pawl zong sianginn an kai lo” tiah siahngakchia pakhat nih Chin World ah a chim.

A luancia July 28 ah Hakha khua No. 1 High School ah puahkehnak pakhat a rak cang i siahngakchia cheukhat sianginn kai loin a rak um nain September thla thok in an kai ṭhan tiah theih a si.

“Sianginn cu a caan hman tein kan kai ko, siahngakchia 2 an zaw i siikhaan an piah hna tikah pakhat sin in Covid zawtnak an hmuh caah sianginn an khar, Home Study a kan tuah ter, siangcachim hna nih caminpuai phit ni lawng ah rak kai ṭhan uh tiah a kan ti” tiah siahngakchia pakhat nih Chin World ah a chim.

Atulio Hakha khua SAC kuttang sianginn ah ca a cawng mi siahngakchia 2,000 hrawng an um i Hakha khua ah High School sianginn 4 a um mi chung ah 2 lawng an awn khawh tiah theih a si.Credit-Thechinlandpost

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo