Hakha Lainu Kawl Ralkap A Vami Tamtuk Ruang Ah Kan Lo Bak Ko

Hakha ah Kawl ralhrang nupi kan rak tamtuk mi nih pei Laimi a kan hloh ko cang cu.

Hakha ah Kawl ralhrang an umnak can hi a rak tuk cang i Hakha ralkap hi mah khuami tlon in an rak tlong cang. Hakha ah a ummi Kawl ralkap pawl cu Lainu tampi nih an rak vat hna.

Duhdawtnak kong ahcun zei bantuk minung an si poh ah an mah duh mi te kha an vat ding a si ko. An mah le nawl a si ko. Sinain hmailei ah kan caah an tha maw tha lo timi bel tuak a si ve mi a si.

Lainu hi Kawlpa sawhsawh cu chim loin Kawl ralkap a va mi kan tamtuk. Kawl ralkap le palik lak khin Laimi ka chim duhmi a si lo. An mah Kawl miphun bak a simi Kawl ralkap le palik a va mi kan rak tam taktak khi a si.

Kan hnu ah Hakha ah Kawl ralhrang le an chungkhar pawl nih ralkap uknak kan duh ko tiah an langhter i lam an zawh hna. Cu ahcun an nupi le an tam taktak. Mah kha a tam deuh cu Lainu an rak si hna ti a si.

A tu ahcun mah kha Kawl ralkap nupi le pawl kha dalan ah an cang dih cang. Dalan an tuan dih cang. An va le an him khawhnak ding le an chungkhar an him khawhnak ding ahcun dalan an tuan dih cang. Ralkap chungkhar le ralkap nupi an si caah ralkap cu an tanh ve awk bak a si ko.

Hakha ah a ummi hna le Hakha ah kal ko lai a timi hna nihcun ralrin taktak a hau. Ralkap nupi a simi Lainu hna nih Laiholh le Laica cu an thiam tuk ve. A nih khi timi zong an kan theih tuk ve caah ralrin taktak a hau.

Laimi cu Facebook ah kan van i psot zong a ho dah a si timi hi van hlat ahcun theih fawite mi kan rak si. Cu caah Hakha ralhrang ahhin Kawl lawng te an si ko tiin ruat hlah. Lainu an tamtuk timi kha thei law a tha. Kawl ralkap a vami kan ram tamtuk caah Dalan an tamtuk ti hi fiang hna usih.Credit-Thestar

Be the first to comment

Leave a Reply

Your email address will not be published.


*