Hakha Timit lei ah CNA/CDF le Kawl Ralhrang Kar ah kahdohnak a chuaknak kong thawngpangthar – Thawngpang Dik Thanh Hna Usih


Tuchun Zarhpini December 4 chun ah Hakha Timit ah CNA/CDF le Kawl ralhrang karlak ah kahdohnaka chuak tiah theih a si. Cu an i kah doh ning cu a thei tu hna nih mah ti hin an chim,

Tuchun ahkhan Hakha Timit lei ah meithal thawng cu a thang thluahmah i, CDF pakhat nih tuchun cu ruah lo pi in ram kan kalnak ah Timit pawng hmun pakhat ah Ralhrang he kan i tong hna i

cu ah cun kahdohnak a chuak. Minutes 5 hrawng cu kan i kap lai. Kawl ralkap lei in pakhat cu thi kho men, Nain cu zong cu fiang tuk cun kan hmu lo tiah a chim. kannih lei cu Pathian dawtnak in kan him tiah a chim chap. Minutes tlawmpal an i kah hnu cun

kahdohnak meithal thawng pang a dai than tiah a chim. Hakha khua chung zong ah Palik le ralhrang an i chawk an vaakvai ngai ngai tiah an chim cah kan Hakha mipi hna a ralrin zia thiam taktak hna usih.  Atu lio hi Ralhrang nih biatak tein CNA le CDF kah doh dingin

aa timh tuah cuahmah lio a si tiah a thei mi nih an chim caah, ralrin tein um cio hna usih. Hakha mipi ummi hna le Timit ummi kan ralkap hna hi a hlei ce in an i ralrin a hau.

Hakha- Thantlang kar Tița a ummi Kan Chin ralkap hna Christmas tuahnak ding caah Japan ummi Pu Kio Cin Thang nih ting 15 mmk a hlut hna.

Cun,Thantlang peng Ralpel khuami Rev. Rual Cung nih Tița ummi kan ralkap hna cu mehhang cawknak caah tiin ting 6 mmk a hlut țhan hna.

Pechantu nan dihlak cung ah kan Chin ralkap hna nih The Chin Post in lunglawmhnak an langhter. . Kan biak cung Pathian nih thlua in chuah chin ko hnaseh.

 

 



Source link

Add a Comment

Your email address will not be published. Required fields are marked *