Hakha Timit um mi Kan Chin ralkap Hna sin ah Angki-lum tam taktak kuat an si, aphan zat cu mahtin an chim – Thawngpang Dik Thanh Hna Usih


A sunglawi taktak: kan ralkap hna cu nifatin ti awk in Kawl ralhrang he an i kap. cu an i kahnak ram tang ah khuasik le a tla cang an khua a sik tuk i, angkileng an herh tuk. Cu an herh tuknak cu theih piak in

ramleng a ummi lainu helping hands timi phu nih Angki leng a lum mi pawl an kuat hna tiah theih a si i, CNA/CDF kan ralkap hna zong an i lawm tuk hringhran tiah theih a si. Atu an bawmhmi hna kong ah mahti hin an langhter. atang ah

Kan miphun Ralkap hna sinah Angki lum zun 100 kan kuat mihna cu an sinah tlam tling ten aphan khoRamleng in kan Ralkap hna caah thlacam piaktu, dawtu le dirkamh tu nan dihlak lak cungah kan ilawmtuk

An sinphak nak ding caah akan tawlrel piak tu le pechan tu nan dihlak cungah Bawipa tunih nan herhning cio in athluachuah nak in hrawm zungzal hnaseh Mipi Ralkap zong Bawipa tunih in kil veng zungzal hnaseh law. Crd: Lainuhelpinghands

Chinram, Kalaymyo Le Gangaw Ah Mei A Rawk

Nyaungpinkyi(ညောင်ပင်ကြီး)-Chaungkulaing(ချောင်းကူးလိုင်း) 230KV electric meihri a cah ruangah Chinram, Kalaymyo le Gangaw hna ah November 28 zan in zan khuadei in mei a mit lai, tiah ṭuanvo ngeitu hna nih an langhter.

Electric meihri a cah ruangah Chin ramkulh chung Mindat, Matupi, Kanpetlet, Hakha, Falam, Gangaw pengkomh chung Htilin, Saw, Kyaukhtu, Pauk, Gangaw le Kalay pengkomh vialte hna ah mei an mit dih, tiah theih a si.

Bomb Lamh Sual Ruangah Matupi Khuami Pakhat A Nunnak A Liam

Chin ramkulh, Matupi khua ah nihin November 29 zing sml 9:00 hrawngah Pu Ya Peng le a nupi cu, SAC ralkap Khah Lah Yah 304 sakhan lei kap an dum ah an kal lioah bomb an i lam sual i Pu Ya Peng cu a nunnak a liam, a nupi zong a ke ah hliamhma a pu i Matupi sii-inn ah an kalpi, tiah theih a si.

Lawng Van sang ah a ummi Pu Ya Peng(kum 56) cu pehtlaihnak zung ah rian a ṭuanmi a si i, fapa pahnih le a nupi a roh tak hna, tiah theih a si.

SAC Nih AA Chungtel Thongtla 17 Kan Thlah Hna Tiah An Thanh Nain 3 Lawng An I Tel

A luancia November 17, national day lio ah SAC ralkap nih thongtla mi hna chung in AA chungtel 17, KIA 20, RCSS/SSA 5 le KNU/KNLA 2 kan thlah hna tiah November 18 ah cathanh an rak chuah.

SAC nih AA chungtel 17 kan thlah hna tiah an thanhmi chung ah AA chungtel 3 lawng an i tel i, a tangmi minung 14 cu tualchung mi an si tiah nihin November 28 ah tuahmi AA thawngfianternak hmun ah AA in chim phuannak nawl ngeitu Khine Thu Khah nih a chim tiah theih a si.

“SAC nih an thlahmi hna chung ah kanmah AA in minung 3 lawng an i tel, a dang cu ULA/AA nan si tiah an rak puhmi tualchung mi an si. Kanmah lei in luatnak a hmutu hna nih cun headquarter ah theihternak an kan tuah, midang tualchung mi tu nih cun kan sin ah pehtlaihnak a kan tuah lo” tiah a chim.

“SAC nih ULA/AA chungtel tiah min bunh in tualchung mi sawhsawh cung ah tlaihkhihnak a tuah, cozah rianṭuantu hna zong an i tel i tlaihkhih a tongmi dihlak chung in minung 85 an thlah hna” tiah a chimchap tiah theih a si.

Rakhine ramkulh ah SAC rallap le AA kaphnih kar kahdohnak a daih caah SAC nih tlaihkhihnak a tuahmi tualchung mi hna thlahpiak ding ah khuami le tlaih a tongmi chungkhar hna nih an i ruahchan tiah theih a si.

 

 

 



Source link

Add a Comment

Your email address will not be published. Required fields are marked *