Hi Nu Thawngpang Theih Cu Thinlung Nih A Celh Bak Lo e

Nu hi an thinlung put theihthiam piak hna lo ahcun an lungdongh a fawituk mi an si. Nain an duhlo nak ahcun khuaruahhar hi an thinlung a hak fawn. Cheukhat nihcun nu cheukhat thinlung a hak mi hna cu Bible chung i Faroah thinlung nak in a hak deuh an ti.

Pa nih kan tuah ngam mi poah nu nihcun an tuah ngam lai lo tiphun kn cheukhat pa nih nu a nehsawh mi an um. Nain kan chimh hna lai Nu cheukhat cu pa nak in an ral a tha deuh. A za tiah biakhiahnak an tuah cang mi cu let an duh bak ti lo. Thih an ngamh tuk. Pa nak in thih hi an tih lo deuh timi cu na zumh lo ahcun tutan nungak nu khi zoh uh law nan i fiang lai.

Sinsora timi Nu pakhat cu a darling he aa du daw tuk mi an si ko hna. Nain a tlangval pa nih a thinlung ruahnak a theihpiak thiam ton lo. Nu nih a tlangval pa cu a dawttuk caah a tlangval pa nih zeibantuk in a ti zong ah tordornak te he a ngaihthiam ton. Dawtnak timi nihcun a theihthiam ter te ko lai tiah ruahchannak a ngeih. Nain a tlangval pa nih a nungak Sinsora cungah theihthiam nak a ngei ti lo caah a nungak cu a lung a rawk ruang mang ko.

Zankhat cu a riantuannak in a tin tik ah a tlangval pa cu nungak dang pakhat he inn ah an rak i nuamh mi a pauh hna. A thinhung a celh lo i a tlangval pa he cun i sik hram an thawk. Voidang ahcun dawtnak thinlung ruangah a ngaihthiam khawh ton ko nain pa nih ngaihthiamnak kha zei ah a rel piak ti lo caah ngaihthiam peng ding ai ruat kho ti lo. Cuticun an i sik i a tlangval pa nih a ti dang a faktuk caah zeihmanh holh lo in lengah a chuak diam ko.

Leng i electric meihri an zaam mi cungah a kai i a taklawng pi in a mah le mah that ai tim cang ko. Pa nihcun ka palh tuk cang rak tum than law tiah tanglei in a auh hnawh chih len zongah nu nih a za tiah biachahnak a tuah cang mi cu a duh ti lo i a zei tum bia cu a sang deuh nak hmun ah a kai chinchin ti asi.


A hnu ah tlangval pa nih cun mi chanhchuah tu phu a auh hna i a donghnak ah a mah le mah i thah manh lo in an chanhchuah khawh tiah Taluk hrambunh Weibo social media ah a linsa taktak.

Be the first to comment

Leave a Reply

Your email address will not be published.


*