Hi thawngpang nih hin Dr Ngun Cung Lian hi Word Cup zong lungtho thanuam tein!!



Ka ruahrem lo ngaimi pakhat cu,MAH a sungh,tlak lai or teinak lei zong va si ko sehlaw, Dr NCL te pawl hi chuakvaak kho loin bawm chungah a erhkhumh hna lo hmanh ah a nawn te men hna lai tihi ka ruat ngai.

Ralhrang thiltuah le hmailei an i tinhmi pawl,an chung biathli hi ralhrang ruahnak pe tu tluk in a lengmi ah a theitu an um lai lo caah MAH nih ruahnak petu ah aa chiahmi hna hi nungdam in a chiah hna lai hi zumh har pah. Crd-Salai Williams Hlawnceu.

2023 thimhnak an tuah khawh ahcun an biathli apuang sual lai tiah an minung abikbik pawl hi that hmasat tawn asi. Rallokap bawi asi ahcun a rian in an din ter. Cutikah a him lo bik mi cu hi Dr Zatama pue hi an si.

An thah te ko lai. zoh te uh. a konglam ceih asi lailo a ho kut in apam ti hmanh hngalh khawh asi lailo. a thah tu hi KHin ZI te an si te ko lai

Assam Rifle Nih Myanmar Mi 4 l Hriamnam He An Tlaih Than Hna, December 3 ah India-Myanmar ramri pawngah, Assam Rifles le Mizoram palek hna i bawm in, Raltuknak hriamnam he Myanmar mi minung 4 cu Mizoram ramkulh, Siaha ah kan tlaih hna tiah Assam Rifles nih December 4 ah an thanh. Cun. Tuluk chuak cycle 125( 3 ) cu hmanthlak ah kan hmuh caah cu cycle pathum zong cu kan tlaih chih khawh tiah an langhter chih.

“Nizan Ṭial Thang a sunghmi ah kan ngaihchia cio hna.Mah lentecelhnak ah hin caan tampi lak in a ṭhabik in timhtuahnak kan ngei tawn nain kan i ruahning bantuk in thil a si kho tawn lo.

Jeremy Pacatiw zong kan lawmhpi. Jeremy Pacatiw i hmailei a thongh dingmi puai zong ah tha kan pek peng rih ko lai. Dawtnak in tha a kan petu nan zapi chngah kan i lawm tuk.

Tu kan sunghmi hi hmailei kan ṭhatnak(ṭhawn deuhnak) ah tha a kan petu si ko seh. Zeitik hmanh ah a sung kan pe lai lo. A ṭha bik in kan i timtuah lai i kan ra ṭhan lai”-Aung La Nsang

Karenni ramṭhen Demoso ah nizan(Dipa 3) ah Ralhrang le KNDF phukomh ralkap hna karlak ah kahdohnak a chuak i ralhrang 20 nak tam an thi, minung 4 an nung in an tlaih khawh hna. Meithal zun(11) le zenkuan tampi an lak khawh tiah Khit Thit Media nih a langhter.

Nikhat chung deng kahdohnak ah ralhrang 20nak tam an thi. Sergeant(senthum)-1, corporal(senhnih)-2 le an kuttang ralkap pakhat, an dihlak minung(4) a nung in an tlaih hna. MA-1 zun(4), MA-3 zun(2), MA-4 zun(1), MG-3 zun(1), RPG zun(1), 60MM pahnih, Computer 1, Phone, zenkuan hna le an thilri hna an lakpiak khawh hna tiah theih a si.

Dipa 3, zinglei suimilam 3:00 thok in Demoso peng Dawkahmi(ဒေါကမီးကျေးရွာ) khua lei ah thazaang tampi in rallam a rak sialtu ralhrang hna cu KNDF B (01), B (05), B (06), B (07), B (09) hna le KA i fonh in an kah hna. Ralhrang hna cu hriamngan zong in an van bawmh hna i zanlei zong ah vanlawng in voi(3) tiang bomb a thlak. Zan 9:00 hrawng zong ah vanlawng in bomb a thlak ṭhan tiah theih a si.

Tutan i rallam a rak sialmi battalion hna hi a luancia Dipa 24,2021 lio ah Hpruso(ဖရူဆိုမြို့နယ်)peng Musu(မိုဆိုကျေးရွာ) khua pawng i sualnak ngeilo mipi (40)nak tam mei in a khangtu hna chung ah aa tel ve mi an si i an tlaihmi hna zong hi mah mei khanghnak ah an i tel le tel lo kan chekhlat lai i an i tel ah cun a herhning in danthatnak kan tuah lai tiah KNDF lei ṭuanvo ngeitu nih a chim.

Reinier de Ridder cu Anatoly Malykhin he an ii thonghnak ah minutes tlawmpal chung mahhngallo in a um i siizung ah an tlikpi, MRI le CT Scan an thlak tiah Chatri Sityodtong nih a chim. A chungril le a ruh pawl an rawh le rawh lo cu MRI le CT Scan result a chuah hnu ah a fiang te lai tiah theih a si.

Aung La Nsang nih Conan Altatis biahalnak ah ” A ralai dingmi puai ca ah hnatlaknak min kan thut cang. Ho he kan i thongh lai ti tu chim ding a ṭha rih lo. A fiangmi cu zarh tlawmpal lawmg aa duh cang” tiah a chim. A ralai mi puai ah teinak a hmuh ahcun Reinier de Ridder sin in Middleweight taisawmh lak ding ah zuamcawhnak nawl a ngei cang lai.

Sagaing ramthen, Yinmabin peng Salinkyi pengkulh chaklei um khua hna ah Min Aung Hlaing kuttang tuan Inn ngei ve lo ralhrang rual nih mipi inn (300) dengmang mei in an khangh i, kum (80) leng a si mi Nutar pahnih an nunnak a liam chih tiah theih a si.

SAC le an kuttang tuan pyusawhtee phu hna nih Salinkyi peng chaklei um khua (4) cu luhhnawh in mei in an khangh hi a si tiah kan theih. Meikhangh nak ruang ah Thanzin khua inn (24)/ Sathung khua thar inn(200) nak tam / Letpankyun khua inn (32) /Tawchawng khua inn(32) a dih lak fonh inn (300) dengmang a ciam tiah theih a si.

Cupin ah Sathung khua inn khangh nak ruang ah kum (80) leng a si mi Nutar pahnih zaam kho lo in mei nih a kangh chih hna tiah theih chih a si. SAC ralhrang hna nih hin hi meikhangh nak hi november 30 ni in december -1 ni tiang ah khuakip cul in an tuah mi a si tiah kan theih.

Salinkyi peng tualchung mi pakhat nih cun “SAC ralhrang hna cu inn a ngei ve lo mi an si i,an chanchung batalion chung ah um in an chuahhnu zong ah fuhding inn ngei ve lo mi an si caah inn pakhat a sunlawining an theithiam ve lo cuh, cu caah zawnruah awk zong an thei lo.

khuachung i inn pakhat sak khawhnak ah zeitluk in dah a har, khuachung an rak lut ti theih zawn ah zaam nak ka i tinh lo, kanzaam lo ah cun bia an kanhalnak le an kan hremnak ah kan thi dih lai ” tiah a chim. Tu dirhmun ah ralhrang rual nih khuate hna cu chuah tak in Salinkyi khuapi chung ah an kir cang hna tiah theih chihsi.

Kayinni ram ,Demosoe pengchung cu SAC ralkap nih Vanlawng in bomb anthlak len ko tiah tualchung mi nih an chim. Nihin Dec-3 zanlei Sml 3:55 pm hrawng ah Vanlawng (2) nih hel in bomb an thlak hnawh hna tiah theih cu a si. Zanlei Sml 4:15 pm ah tualchung mi pakhat nih cun “khuazei ah bomb an thlak ti bel kan i fiang lo na in vanlawng cu ai hel len ko ” tiah a chim.

Demosoe peng chung cu nihin Dec-3 zing Sml 5 hrawng in zan lei pi tiang chun nitlak hriamngan in SAC nih an kah leng ah zanlei hnu in vanlawng in bomb an thlak hnawh hna nak tualchung mi nih an chim.

Demosoe peng chung, um hmunkhuar SAC hna cu kan hnu november -28 ni ah khan KNDF ၊ KA ၊အလယ်ပိုင်းတိုင်း အထူးစစ်ဆင်ရေး တပ်ဖွဲ့၊ DMO PDF၊ Loikaw PDF phu hna nih Kungta /Tesulay/Pupha le Dawkami khua hna ah tukdohnak an rak ngeih hna.

Karini ai bawmmi phu hna nih tukdohnak ruang ah SAC hna nih umhmun an i khuar nak hmunram hna cu an chuahtak i,Mizapi ralkap hna nih hmun ram an lak khawhthan .

Cu hmunram hna cu thenhhlim nak neih cuahmah lio a si i ,SAC nih ni hin ah Demosoe peng chung cu bomb thlak nak a tuah hi a si.
Photo -Kanhnu tla chung i Demosoe peng tlaklei SAC nih bomb a tlak hnawhhna nak hmanthlak a si.



Source link

Add a Comment

Your email address will not be published. Required fields are marked *