Hipa Biachim Cu Tulio ah Hriamtlai CDF Zong Nih Zulh A Herh Mi Bak a Si

Federal ramkulh komh a ser timh mi hriamtlai kanmah le mah i kah doh kan duh lo tiah SNA nih an chim. Federal ram kulh komh ser a timh mi veve hriamtlai i kah dohnak a chuah ding kan duh lo tiah SNA chim phuannak ngei pakhat nih a chim.

Sagaing ramthen Phaungpin peng hrambunh Phaungpin PDF nih NUG nih uknak hmunhma chung ah PDF nih mipi sin ah ngunkhuai lak lo ding in April 26 ah cathanh an chuah. Cucaah cuka hmun ah a ummi hna SNA he i kahdohnak a chuak sual lai tiah thinphang in an um hna.

Tu ahcun SNA le tulio Phaungpin PDF he i pehtlaihnak le hnatlaknak a um cang ko caah i theihthiam lo nak cu a um theng lai lo nain a dang phu hna nih cuka hmun hriamtlai phu nih an duh ning in an cawlhcangh a hau lai tiah SNA i chimphuannak nei Saing Aung Ming nih a chim.

“KIA nih PDF pawl tintan a pek hna hnu ah hmunhma a kauhter bantuk in a um. A ngaite ti ahcun PDF hnulei in a dirkamhtu taktak cu PDF an si ko hna tiah kan ruahdamh” tiah Saing Aung Ming nihcun a chim.Tlangcung hriamtlai veve karlak buaibai lo hi a herhbik mi a si tiah chim kan duh. SNA hriamtlai phu hna cu Sagaing ramthen cunglei Homalin peng, Khanti peng, Pinlebu , Phaungpin hmunhma lengah India ramri thluan ningpi le Kachin ramkulh hna ah a cawlcangh mi hna an si. Source-CNI

Be the first to comment

Leave a Reply

Your email address will not be published.


*