Hlegu Peng Lamkam Ah An Hlawnh Mi Rohingya Ruak 13 Hmuh A Si



Yangon ramthen,Hlegu peng,Baarlar(ဘားလား) khua ah an hlawnh mi Rohingya 13 hna i an ruak cu tuni December 5 zing sml 8 hrawng ah hmuh a si tiah khuami sinin theih a si.

Mingaladon peng,Ngwe Nant Thar le Baarlar(ဘားလား) khua kar Tabinshwehti lam cung ah hliam hma zei hmanh um lo in a thi mi Rohingya pawl cu an hmuh hna i oxygen i zat lo ruang ah a thi mi pungsan an lo tiah an chim.

“Rihingya hna i an ruak hi Mingaladon,Ngwe Nant Thar khua le Baarlar(ဘားလား) khua kar lamkam ah an hlawnh tak hna.A za pi in 13 a si.Mawtaw a pit dih mi in an rak phorh hna i oxygen i zat lo ruang ah a thi mi pungsan a si” tiah Hlegu palik phu he a neih niam mi pakhat nih a chim.

Cu a thi mi ruak pawl cu Hlegu siizung ah a um mi mithi chiahnak inn ah an chiah hna i cu Rohingya hna a rak phor tu mawtaw le a mawngtu cu tlaih a si rih lo tiah theih a si.

A luan cia November thla a donghnak zerh chung zong ah Hlegu peng,Nyaunghnitpin zone-1 pawng ah hngakchia telh in Rohingya pa,nu 68 cu an tlaih hna tiah theih a si.(Crd.Ayeyarwaddy Times)



Source link

Add a Comment

Your email address will not be published. Required fields are marked *