Hmunkhat Te Ah Ralhrang Uico 18 Leng An Thah Hna

ChaungO pengah ralhrang uico le Pyusawhti pawl PDF nih drone in an va kah hna caah minung18 an thah khawh hna tiah theih a si.
Chokhleipar

“Sagaing ramthen ChaungOo peng Ganshi khua ah hmunkhuar mi ralhrang uico thenkhat le Pyusawhti phu hna cu nizan suimilam 12 tluk ah mipi ralkap hna nih Drone in kan va kah hna” tiah Farmer Revolution Force FRF(CHU) nih cathanh an chuah.

Drone in kan kah hna lio ah hin ralhrang lei nih hriamngan he a tomtom in an kah ko hna nain ralhrang lei minung 18 leng an thi lai tiah CHU sin in theih a si.

“Drone in kan kah hna caah anmah lei milu thazaang 30 tluk an ra i hriamngan he an kan kah.kanmah zong tlik pah bomb hmanh pah in kan kah ve hna. Anmah lei cu tamngai an hliamh. Kanmah mithmuh bak ah an ruak an i char mi hi minung 18 an si” tiah CHU tuanvo ngeitu pakhat mih a chim.

Tutan i kahnak ah cun mipi ralkap lei in minung pakhat nunnak a liam ve tiah theih a si.I kahnak a dih hnu zanlei suimilam 3 pm tluk ah ralhrang pawl nihcun. Heiamnam ngan he hme he ChaungOo peng Tapeinn khua cu an luhhnawh i inn 70 renglo mei in an khangh tiah theih a si.kachinews

Be the first to comment

Leave a Reply

Your email address will not be published.


*