Ifahsak kan thiam rih lo, ruamkai tu cu kan ithiam cio dih

Ifahsak kan thiam rih lo, ruamkai tu cu kan ithiam cio dih…

Chunmang a tak in tlinter khawhnak ram an timi ah maktaduai i aa chuah ve cangmi kan naupa pakhat nihcun, “Na tawhrolh vaar circerte he zanlai nungak leennak i na hong lawi, ရပ်ဘယ်သူလဲ kan rak in ti le na London bawm chungin fung khat cio na rak kan dangh lio hrawng kha, kan ilunghmuih taktak khi si,” a ka ti.

Mizoram India lei pawl nih kan sining tein “tribal” an itimi milu tlawm Tlangcungmi pawl hi cu kan thluakvun a rak chah deuh rih ko. Ipheh awk um lo. Kan civilization a rak niam rih bantuk in zaran tam deuh hi cu “above the animals but under the civilized humanity” hei iti usi law thinhung nan tam ngai ko lai.

“Kaa fahsak” ti khi Hakha nih kan uar khun. TT lei zong cu an si dih ko cu. Haekha te cu “mah hngal lo” va ti sual hna, cu ko cu an ifahsak bik.

Kan pale chan Univ a rak kaimi cheukhat kha Kuete nih “uncivilized brute” ti phun deuh in an rak iti sual rua. Ralbawi fanule an rak si caah Kueho cu hmurka in ceicek an rak phomh hna, ti si.

Social media online biaruah chan ah, nihin ni tiang ka philh khawh lomi te pakhat a um.

Mah cucu zeidah si tiah cun,
“Nanmah pawl hi nan ei bal lomi rawl nan ei. Nizan tihni khan nan um bal lonak innloṭha ah khua nan sa ve. Nan icit bal lomi motor hna nan icit tikah, nan ruam a kai i nan ning a hngal. Rak chuak uh! Nan hngawng kan in tan dih hna lai,” tiah Virginia ummi Kuepa nih a rak hro hna.

“မင်းတို့ကောင်တွေ မစားဘူးတဲ့အစာတွေကိုစား၊ မနေဘူးတဲ့ တိုက်ကောင်းတွေမှာ နေ၊ မစီးဘူးတဲ့ကားတွေ စီးလာတော့ ဆောက်ဖင်ခေါင်းကျယ် လူပါးဝ နေပါလား။ သတ္တိရှိရင် ထွက်လာကြစမ်း လည်လှီးပစ်လိုက်မယ်” ti phun khi si.

A IP dawi in a umnak inn address tiang ka rak hmuhsak khawh hna. Lai pasalṭha pawl a chuak ngam pakheh hmeh nan rak um beh, a rak si ko khah!

A address ka hmuhsak hna hlanah khan cun, heh maw tiah teh online cun Kueho cu an rak tongh seek ve hna tiah. A umnak ka van theihpiak hna hnu bel cun an dai deep.

Cu Lai pasal nusal miralṭha pawl cu kanmah Laimi lak tu cun an ruam a kai ngai. Zeite ah mi zaran hi cu an kan rel lo.

“Facebook ralkap dawh nan si ko hih!” ka van ti hraam ciammam hna cang cu, ka lu laak ai tiimmi lawngte. A hong laa ngam taktu cu an um fawn hoi lo. 😀 😀 😛

Miphun dang nih an kan nihsawh i an kan zomhtaih rih ning lam hi cu ipheh awk ṭha lai lo dah!

“Cu ceo cu kan si rih” ti khi kan ihngal lo. Mah hngae lo lawngte.
Kawlram i Hotel pakhat khi US $ 100-300 million man hna an si.

Mah bantuk hotel pakhat hna khi uico pa Ma-ae-lu fanu hna nih a hei ingeih men ko.

Laimi vialte ibawm hna usi law cu hotel pakhat hmanh cu kan sa kho rih lai lo, ti ko!

Dollar sing khat chuah cu kan miphun caah a tam tuk lawmmam a si nain, miphun dang ca tu cun, zan khat ah $ 10,000 hna an hei hloh mei.

Ifahsaknak lungput he mah le mah ifimhlawm hmasa, itunmer, ibawmhchanh i business lei ah hmai kan fon deuh chinchin ding tu a biapi deuh.

A herh lomi mah tilzang icumhnak rian tehna khi cu ngol ziar ko uh!

Na umhar phen thluak taat awkah umharphen in ka thai ve sawh. Crd-Salai C Alexander

Be the first to comment

Leave a Reply

Your email address will not be published.


*