Skip to content
Home » India ram Ruah A Surtuk Caah minung 36 An Thi Cang

India ram Ruah A Surtuk Caah minung 36 An Thi Cang

India ram chaklei ah ruah faktuk in a sur i tlek a tlak chih caah a tlawmbik minung36 an thi cang tiah theih a si.

India ram chaklei ah tihnung tukmi ruah nih a den hna caah suimilam 24 chung lawngah minung 36 nunnak a liam cang tiah India cozah nih thawngthanh nak a tuah.

A ral lai mi ni zongah pehzulh in hinak ruah a sur kho caah mipi pawl ralrin in um ding tiah thawngthanh nak an tuah chih.

Cun Utter Pradesh peng chungah ruahsur tuk i khuami inn a cimh ruangah minung 24 bak an thi tiah mi bawmchantu phu lutlai Ranvir Prasad nih a chim. India cozah nih a chim nak ah Utter Pradesh peng chung ah hin a liamcia kum 5 lio ah a tubantuk ruah ruangah minung 39 an rak thi bal cang tiah a chim.

Pawngkam thingram hna hau tuk nak ruangah ti a hrampi a tlawm deuh caah nikhua caan a hman ti lo ruangah tlektlak hna a hlan deuh in a tam deuh i ruah sur ningcang hna a hlan bantuk si ti lo in ningcang lo in a sur cang tiah Indian Meteorological Department le tuanti Lightning Resilient India Campaign i Sanjay Srivastava nih a chim.

Vawleipi kan nikhua hi a hman ti lo i a linhtuk cang caah hinak in nikhua aa thlen ning a zual hma deuh lai tiah Center for Science and Environment i Director General nih a chim.

A liamcia kan hnukum nak in tukum chungah India ram chung i ruah le tilianh ruang hin 24% a tam deuh caah a thimi zong an tam deuh tiah a chim fawn.kum 2016 lio India ah minung 1489 a thimi an si kum 2021 chungah 2869 an si tiah Sanjay Srivastava nih a chim.
Source: AP

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo