India vanlawng nih khualtlawng 50 leng a philh hna, a lawng in a zuang


India ram, Bengaluru khua ah khualtlawng vanlawng pakhat a simi Go First Airline nih khualtlawng minung 50 leng cu Airport ah a philh ta hna i a lawng in a zuang diam.

January 10 zinglei nazi 6:20 ah aa thawhmi vanlawng nih khualtlawng minung 53 a philh hna i a zuantak diam hna hi a si.

Vanlawng nih a zuantakmi khualtlawng pawl cu thinhung ngai in an um hna i, online ah a phunphun in thil sining an tial cio.

Go Air nih thil sining an vun theih ve tik ah nawlpatnak ca an tial. Rak kan ngai thiam hram u. Mah thil a can ruang ah kan lung a tha hrim lo tiah an tial.

Khualtlawng 53 cu a dang vanlawng pakhat nih neh hnu ah an phorh than hna tiah theih a si.



Source link

Add a Comment

Your email address will not be published. Required fields are marked *