Skip to content
Home » Johnly Fambawl – Khrih khamhnak chungin ka thlau khawh lonak cu

Johnly Fambawl – Khrih khamhnak chungin ka thlau khawh lonak cu

sualnak in a khatmi a si bantukin ka thih lai tiangin ka sualnak a ka ngaithiamtu ding Pathian ka Pa cu Jesuh Khrih min in thangthat si thluahmah ko seh..

Khrih khamhnak chungin ka thlau khawh lonak cu;-

Ka thalrau hi keimah kenter loin a Fapa chungtu ah khan a rak thup..
Atu ah taksa in ka nun vemi hna hi cu a Fapa Jesuh Khrih ka zumhnak thawngin khan a si i cucu amah duhnak tuah kho dingin caan tawite chung hi vawlei cungah khan caan a ka hmanter ve caah a si..

Cungnung Bik Pathian Fapa Jesuh Khrih nih a kan khamhnak thawngtha biatak hna a takin hngal tung lo i amah tein a nunnak a simi a thlarau hna a ken zungzalmi tu nih hin cun cu a khamhnak chungin cun a tlau zong a tlau khawhmi kha a si ko..
Asinain kei tu hi cu zumhnak thawngin Jesuh Khrih chungah um in a thihnak le thawhter a sinak kha a takin kaa hrawm cang caah ka nunnak taktak a simi ka thlarau cu Khrih cungah thuh a si cang caah hin keimah tein cu Khrih khamhnak chungin cun ka tlau khawh ti lonak cu a si..

Fapa zumhnak thawngin taksa in hi vawlei Pathian pennak cungah a nungmi keimah nih hin Satan tukforhnak zong a tam ve bantukin Bible Cathiang bia hna ka rel ve lo le Jesuh Khrih min in Pathian ka Pa sinah Bawmtu Thiang Thlarau hna ka hal ve lo i Pathian duhnak tuah si loin sualnak tu hna kha ka tuah zungzal ve rih a si ahcun taksa in hi vawlei ka nun chung hrimhrim ah hin Pathian chimhhrinnak kha ka ton zungzal ve ko lai..
Zeitintiah cun Bawipa nih a dawtmi cu a chimhhrin hna i fa ah a cohlanmi cu a velh tawn hna. ( Hebru 12 : 6 )..
Ka thlarau tu cu zumhnak thawngin Khrih chungah thuh a si cang caah khan thlau kho ti lo dingin Khrih he kan um tti caah a si..

Ka bia dongnak ah lamkaltu Paul nih, “Khrih chung i nan nunnak nih khan an ṭhawnter hna maw? A dawtnak nih khan nan hna an ngamter hna maw? Thlarau he hawikomhnak nan ngei maw? Pakhat le pakhat nan i daw in nan i zaangfah maw?,” tiah a ti. ( Filipi 2 : 1 )..
Hi biatak aa hrawm khomi zumtu nan dihlak Thiang Thlarau nih hngalhfiannak in pe ko hna seh. Amen..Thank You For All;Credit-Johnly Fambawl

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo