Ka Dawtmi Kan Pa Chinram Na Kal Ahcun Nung In Na Rak Kir Ti Lai Lo

Ka dawtmi kan pa Chinram na kal ahcun nungdam in na rak kirter bal lai lo.
Tulio Kawl ralhrang pawl ba uah dirhmun hi vawlei cung ah a har bik a si ko lai. An nupi le fale ca hrimhrim ah a har tuk lai. Zan zong ah an i hngilh kho ti lai lo.

A ruang cu an va le cu an dawt cio hna. Chungkhar ah cawmtu pacem an si cio hna. An pa lahkhah te cun an nung cio hna. Chungkhar pa cem ralram ah a thi sual lai tihi an phang tuk ve ko lai.

Ralhrang pawl ralram an kal lai ahcun an nupi le nih a tah bak in an tah hna ti a si. Khoika an kal lai poh ahhin an caah ralram dih a si cang caah an dirhmun hi a hra taktak a si ko. Zam an duh zong ah an zam kho ti lo. Ralram ah le an caah tih a nung tuk fawn hoi tung i an caah hin a har taktak khi a si ko.

Chin ramkulh lei ah a kalmi ralhrang pa pakhat cu a kal lai ah a nupi nih bia a cah. Ka dawtmi kan pa Chin ramkulh na kal ahcun nung buin na rak kir te lai tihi kan i ruahchan ngam ti lo. Na va thih sual hmanh ah na ruak te tal kan hmuh khawh lai ti zong kai ruah chan ngam lo ee tiah bia a cah ta.

Ralhrang pawl cu Chin ramkulh ah an hung kai i Chin ramkulh ah tampi an nunnak a liam taktak. An nu nih kal lai a chim bang Chin ram ah a nunnak a liam. A ruak te hmanh a hawi le nih an la kho lo i Chinram vawlei ah a ruak cu phum a si. A ruak te hmanh nih a nupi le fale a hmu kho ti hna lo.

Tulio Kawl ralhrang le an chungkhar dirhmun hi zeitluk in dah a har lai. Din ei awk tlamtling ngei ko hna hmamhseh law an hnangam kho ti lo. Zeitik ah dah kan thih te lai ti lawng an bawh ko cang.

Min Aung Hlaing nih uknak a lak hnu ahhin Kawl ralhrang tamtuk an thi cang. Ralkap nupi le fale cu nuhmei dirhmun ah tamtuk an um cang hna. An caah vawlei a pit i van an zoh ah a sang ve ko cang. Website dang nih copy i post chin kan duh lo. 

Be the first to comment

Leave a Reply

Your email address will not be published.


*