Ka Ralkap CNA le CDF Mawtchiat Tuk hna hlah uh sih

Kan hriamtlai pawl mawchiat tuk sual hna hlah usih. Tutan Chin miphun nih harnak fak tuk kan ton lio ah kan hriamtlai pawl mawhchiat tuk sual hna hlah usih.

Tutan Thantlang ah ralhrang nih kan inn le kan lo an kan khangh piak mi hi kanmah nak in kan hriamtlai pawl an lung a fak deuh, an thin a hung deuh i an thin hi mei linh in a lin.

Mipi lei nih kan lungfak tuk lung in kan hritlai pawl mawhchiat tuk sual hna hlah usih. An thazang a der sual lai. Thazang tu tampi pe chap hna usih law a si khawh chung in tam deuh bawmh tu i zuam chin ko hna usih.

Kan ralkap pawl an thazang thawn le an thinlung dam ter hi a biapi tuk mi a si. Kawl ralhrang sal in kan luatnak ding ahcun kan ralkap pawl kut lawng in luat khawhnak ding lam kan ngeihchun a si cang.

Cu ruang ah Chin miphun nih kan dihlak tein kan ralkap pawl sinah kan thazang fonh usih law bung ko usih. Thlacam piak hna usih. Teinak an hmuh khawhnak hnga kanmah le kan si khawh ning lam cio poh in bawmchan rih ko hna usih. Rak share cio uh.Credit: Cung Lian Bawi

Be the first to comment

Leave a Reply

Your email address will not be published.


*