Kachin kan Unau KIA Nih Kawl ralkap Khualtlung A Check Liomi An Kah Hna I, Ralhrang Hi Zat Bak Tam Taktak An Thi – Thawngpang Dik Thanh Hna Usih


Kachin state, Hpakan Ah Khualtlung Chek Ah Chuak Mi SAC Ralhrang(20) KIA Nih An Kah Thah Hna!. December 2.2022 zaan suimilam 6:00pm tluk ah Kachin ramkulh Hpakan khuapi ah khualtlung dothlet le chek ah a kalmi SAC ralhrang pawl cu KIA nih

Bomb in an puahhnawh hna hnu ah kahdohnak a chuak i ralhrang(20) an thi tiah Kachin News nih a chim. ”Hpakan hrambunh SAC ralhrang (33) in khualtlung chek ah a chuakmi ralhrang mawtaw cu KIA Battalion-9 nih Jade City pawng ah Bomb in an puahhnawh hna hnu ah

kaphnih karlak kahdohnak a chuak i ralhrang lei in (20) an thi tiah thawng kan theih. An mawtaw zong a shop dih, pa(7) nih hliamfak tuk an tuar” tiah thawngthanhnak an tuahchih.

Hpakan khuapi cu SAC ralhrng nih an kulhdih caah tualchung mipi caah harsatnak a chuak kho, umkal ralrin a hau tiah tualchung mipi sin in theihchih a si.

Karenni(Kayah) ramṭhen Demoso peng Konethar khua chung i hmunkhuar mi ralhrang hna kuttang ah a ummi hmumhma cu KRU nih an lak khawh ṭhan cang tiah nihin Dipa(2) ah thawng thanhnak an tuah.

Mipi ralkap a simi KNDF, KA, KGZ le PDF phukomh ralkap hna zong nih Thaysule(သေးဆူလဲ) khua ah hmunkhuar mi ralhrang hna cu an kah hna i cuka hmunhma cu an lak khawh ṭhan tiah theih a si.

Demoso peng Konethar khua hmunhma an thinhhliamh lio ah ralhrang hna i an riahcaw, zenkuan hna le an thilri pawl zong an lak hna tiah theih a si.

Kahdohnak a fak chin kho mi a si caah hriamnam le zenkuan bawmh ding in KRU nih bawmh a hal.Ref- TachileikNewsAgency

Thantlang peng Public Administration le CDF-Thantlang humhakmi hmunram ah a ummi khuabawi hna tonnak an ngei, tiah Public Administration, Thantlang nih thawngpang an chuah.

Tonnak cu November 29 in 30 tiang an tuah i, 2022-2023 ah khuabawi ṭuan ding in thimtharmi he tonbiaruahnak an ngei hna. “Zatlanguknak ah hin fimcawnnak, lam le sul, biacaihnak, police, ngandamnak lei le khuabawi hna hi biapi in kalpi an si,” tiah Public Administration, Thantlang nih an langhter.

“Khuabawi pawl hi kum 1 ah term 1 tuan dingin mahle khuami cio i mipi hna nih lungtling tein thim an si bantukin 2022-2023 chung khuabawi tuan ding zong khuami cio nih thim than an si. Thim tharmi khuabawi hna he i tonpumhnak cu 29-30 November 2022 ni ah tlamtling tein kan tuah khawh,” tiah an langhter chap.

Public Administration, Thantlang nikum November 27-28, 2021 ah CDF-Thantlang nih a humhakmi khuate 51 ah rak thokmi a si i, atu ah cun kum khat an hun tling cang. Crd: The chin journal

Chin ramkulh chungah, leitang bomb phummi i lamh sual ruangah, India lei ah aa thlopbulmi minung 100 leng an phan tiah theih a si. Chin ram chaklei thlanglei ah bomb in aa hliammi minung an tam i, a tam deuh cu, lo kalnak, dum kalnak le sia an kawlnak ti bantuk ah bomb an i lamh sual caah aa hliammi an tam.

November 29 lio zong ah, Matupi Laungban khua ah, nuva hna dum an kalpah ah bomb an i lamh sual caah, an pa cu a hmun ah a nunnak a liam i a nupi cu Naypyidaw sii-inn ah an kalpi tiah theih a si

Breaking News: Hualngoram Chungah CNDF-Falam Nih Khuami Minung Pahnih An Tlaih Hna. CNDF-falam hna nih Rihkhuadar khua mi pakhat (Phone Tower zohkhenhtu) leh Tio khua mi pakhat (Dinti zohkhenhtu) hna cu nizan December 1,2022 ah khan an tlaih hna tiah theih a si.

Tio khua mi pakhat deuh cu a hnu ah an thlah than nain. Rihkhuadar khua mi pakhat bal te cu an thlah duh lo ruang ah. Rihkhuadar khuami mino 100 hrawng cu, a sual a palh lomi, an khuapa va chanh chuah ding ah CNDF-falam camp Lianhna Camp ah cun tlai hnu khuamui kaa hrawng ah an va kal colh. Mipi an phanh thluamah lio ah cun CNDF nih an tlaihmi pa cu

An van chuah than. Thil poipang a chuak manh lo ca ah lawmh a um ngaingai tiah Lalsawm Liana nih a fb ah a taar. CNDF hi Hualngo ram chug Chawhte khua thingram an hual mi zong an laak hau bal I, an coffee dum zong an rak hrawh piak zual hna ca ah Chawhte khua mipi le CNDF karlak ah I hmuh thiam lonak a rak um bal ti ah theih a si.

 



Source link

Add a Comment

Your email address will not be published. Required fields are marked *