Kachin Ram chung Khuate Pakhat Cu Kawl Ralhrang Nih An Luh Hnawh, Mipi 100 An Tlaih Hna. – Thawngpang Dik Thanh Hna Usih


Kachin Ram Khuate Pakhat SAC Ralhrang Nih An Luhhnawh, Mipi 100 An Tlaih Hna!Ralzaam mipi hna an thutdirnak, Kachin ramtthen Myitkyina (မြစ်ကြီးနား) khuapi pawng um Nguaipiosanpia (ငွေပျော်စံပြ) khuate cu SAC ralhrang nih an luhhnawh hna i pa dihlak nawn in minung 100 hrawng an tlaih hna tiah KNG nih thawngthanhnak a tuah.

“December 10 zaanlei suimilam 3:00pm tluk ah SAC ralhrang thazaang 80 tluk nih mawtaw pa(2) in an luhhnawh hna i meithal puah bu he pa paoh an tlaih hna” tiah tualchung mi nih KNG ah an chim.

Hi konghe pehtlai in cu ka khua ah cun tualchung hriamtlai phu hna (PDF), (KIA) hna nih a tu le tu an luhchuahnak hmun a si caah pa paohpaoh an tlaihkhih hnanak a silai tiah tualchung mipi nih an chimchap.

Chinland Defense Force – Kalay Kabaw Gangaw( CDF- KKG) Nih SAC Ralkap 3 An Kahthah Hna. ”Kalay thlanglei MyauhSe khua Palik sakhan ah gate hngah ding in a kalmi SAC ralkap le Palik hna cu CDF- KKG nih December 10 zinglei Suimilam 6 ah kan kah hna i SAC ralkap 3 an thi, 3 hliam fak ngai an tuar i an sakhan ah an kir țhan hnu ah SAC ralkap hna bawmh ding in an rak ra i minute 20 hrawng kaphnih kahdohnak a chuak.

Cu kahdohnak ah cun kanmah ralkap CDF – KKG lei ah hliamtuar um lo tein hnu kan tolh kho. Kahdohnak a dih in kan hmunhma ah Battalion, Brigade hna kan chiah i kahdohnak pehzulh in kan tuah rih lai ” tiah CDF-KKG nih December 11 ah cathanh an chuah.

”Ralhrang a thimi hna an hriamnam lak kan i timh cuahmah lio ah SAC ralkap nih an sakhan in hriamngan in an kan kah tuk caah hriamnam cu kan kaltak țhan, CDF-KKG ralkap cu him tein hnu kan tolh kho” tiah CDF-KKG in chimphuannak nawl ngeitu nih The Chin Post ah a chim. # Video Crd::

December 10 zan Mizoram Aizawl khua i, Vanapa Hall I ChinTube Peoples Choice Award thimnak an tuah i, Cu ahcun Dr Lian Hmung Sakhong nih mahihin bia a chim. A chimmi cu tuzan ah CNA/CDF Chin paraltha vialte nan hmai nan chuah i ral nan doh lio ah nannih nan i nuamh sawhsawh ti hlah uh. nan hnu ah kan dir, kan miphun ning te in kan dir tti, kan miphun pi tein

kan zapi ten kan dir lai i,  Hi ral (Rahrang) hi kan doh lai.  Cucaah cun aho hmanh nih kan ram kan zaam taak lai loh. Nihin ni ah kan ram zaam taak a timmi, Yangon ah a kal i passport  a va sok mi vialte rak kir dih uh. , Mizoram ah a rak zaam mi vialte ral a tu kho ding vialte rak kir dih uh. MALAYSIA khuaza ramkip a ummi mino vialte rak kir dih uh. kan ram nih

an herh hna. thisen in kan nunphung kan tial , hisen in kan tuanbia kan tial. thisen in nunnak thap in rian kan tuan lio caan ah kan ram nih an herh hna. cucaah cun atuza bantukin Vanapa hall ah kan um lio ahhin khat lei in kan mitthli a tla zeitik hmanh ah kan ngol lai loh. zeik hmanh ah kan lung kan i tthul lai lo.  kan doh lai ka tei lai. Atu bantuk in harnak kan ton lio caan ah

khuatlanglei kan unau (Mizoram) nih nan kan bawmh ca ah kan i lawm hringhran ti zong a chim chih. A chim mi a sauh tuk caah Chin Tube page ah tling tein zoh khawh asi la. a chimmi lak ah uar a um bikmi cu”Ral a do khomi Mizoram Ralzam vialte, Malaysia ralzam vialte kir viar uh, Thisen in tuanbia tial lio can a si Dr.Lian Hmung Sakhong

 



Source link

Add a Comment

Your email address will not be published. Required fields are marked *