KAlay PDF Nih SAC Ralhrang 15 An Kah Thah Hna

Kalay Peng Kahdohnak Ah SAC Ralkap 15 An Thi, Tiah Kalay-PDF Nih An Thanh!: Kalaymyo peng Kin Mon Chung(ကင်းမွန်းခြုံ) khua nichuah lei ah SAC ralkap le tualchung hriamtlai phu hna cu nizaan July 21, zinglei suimilam 8:00 ahkhan an i kap i, cu kahdohnak ah cun SAC ralkap 15 an thi, hliamhma tuar zong an tam ngai, tiah PDF-Kalay nih nihin July 22 ah cathanh an chuah.

PDF-Kalay nih cathanh an chuah ning ah, SAC ralkap nih Myitta tiva nitlak lei Kan Pale(ကံပုလဲ) khua cu hriamngan in an kah i, zaanlei suimilam 4:00 hrawng ah SAC ralkap nih Kin Mon Chung khua inn 7 cu an khangh. Cun, zaan suimilam 9:00 hrawng ah Kalaymyo nichuah lei Pyinta(ပြင်သာ) khua i tilawng 2 nih SAC ralkap a thimi le hliamhma tuarmi hna cu a thiar hna hnu ah Kin Mon Chung(ကင်းမွန်းခြုံ) khua in Kalaymyo lei ah an kir țhan, tiah an thanh.

SAC ralkap nih an rak phummi bomb ruangah PDF – Kalay chungtel pakhat hliamhma a tuar, tiah an thanhmi ah cun an langhter chih. “Kanmah lei in ralkap pakhat hliamhma a tuar i, SAC ralkap hmanhmi bomb nih a ke khatlei a hliamh. Sii-ai thlopbul khawhnak hmun ah kalpi a si, a thi chuak mi a tamtuk caah thinphang ngai a si ko” tiah Kalay- PDF chungtel pakhat nih a chim.

SAC ralkap hna cu PDF-Kalay(battalion 1,2,5,6,7), pah-kah-phah Kalay, CNDF-Vakok, CDF-KKG le RKDF phufonh nih an kah hna, tiah theih a si.Credt-Chinpost

Be the first to comment

Leave a Reply

Your email address will not be published.


*