Kalay SAC ralhrang 2 an tlaih hna, pakhat thilak in an kah


Kalaymyo khuachung KTV le Massage room ah aa nuammi SAC ralhrang pawl cu December 10 ah khan Kalay-PDF nih an luh hnawh hna i ralhrang 2 an nung in an tliah hna.

Ralhrang pakhat cu a zaam caah thi lak in PDF-Kalay ralkap nih an kah lawlaw. An tlaihmi minung pahnih hi SAC ralhrang kut tang ah rian a tuanmi Myanmar Economic Bank manager Tun Tun Naing le palik (Tat-Kyat) Min Zaw Oo an si.

Palik a dang pakhat cu dai tein tlaih duh loin a zaam caah thi lak in an kah. An tlaihmi hna ralhrang pahnih cu NUG kut cung ah Kalay-PDF nih an ap hna.

NUG kut tang ah a ummi palik zung nih cu ralhrang pahnih cu ralhrang dohkalhnak pohma 52(a) in tazacuai ding in timhtuahnak an ngei tiah theih a si.

Hi ralhrang pawl nih hin mipi sin in an firmi le an rammi chawva in KTV le Massage ah nuamsul in caan an hmang tiah Kalay-PDF nih an chim.



Source link

Add a Comment

Your email address will not be published. Required fields are marked *