Kalaymyo Khua Ah Ralhrang Nih Bom le Meithal An Kah Caah Laimi Evangelist Pu Ngechha Telh In Minung 4 An I Hliam – Thawngpang Dik Thanh Hna Usih


Laimi tampi na umnak Kalaymyo khua ah Bom a puak i, Laimi 4 hliam faak an pu tiah theih a si. cu kong he pehtlai in an chimmi cu December 13: 2022 zanlei suimilam 5:30 hrawng ahkhan Kalaymyo, Taung Za Latt sang ah a ummi hna inn pawng ah Ralhrang bom a tla i

cu a tlaknak ah cun Laimi a si mi Mara peng in Kalaymyo ah khua a sa lio mi minungh 4 cu hlain faak tuk an hmu tiah theih a si. Cu aa hliammi hna cu Evan. Ngecha le,Pu Zaphettha cun Pu Tun Tun cule Pu Peter hna cu faak tuk in an i hliam tiah kan theih.

Atu aa hliammi hna lak ah hin Evan pa hna hi a hliam a faak khun tiah theih a si i, a rannak in a pali in Doctor sin ah siizung ah an tlikpi hna. Atubantujk in thil a can nak a ruang hi Kawl ralhrang nih ruahdamh in Sangchung ah Meithal le Bom an kah ca ah cu nih cun Laimi umnak inn pawng ah a tlak ca ah a puak i cuticun an i hliam hi a si. Hliamtuar mi hna ca ah thlaza cam pak hna usih.

CDF Mindat Nih SAC Ralkap 3 An Kah Thah Hna, 2 Hliamhma Fak Ngai An Pu. SAC ralkap 200 hrawng cu Mindat nitlaklei meng 5 le farlong 5 a hlatnak ah CDF Mindat nih December 13 chun ah an kah hna, tiah theih a si.

Cu kahdohnak ah SAC ralkap 3 cu a hmun ah an thi i, 2 hlimahma fak ngai an pu. Cu hnu tlawmpal ah SAC ralkap Battalion 274 nih hriamngan in an kah i hriamngan kuan a tlaknak khua zong kan hlathlai cuahmah, tiah CDF Mindat in chimphuannak nawlngeitu nih a chim.

A luancia November thla thawk lioah SAC ralkap le CDF Mindat karah Palungtwe(ပလုံတွီ) khua ah kahdohnak a rak chuak i, thla khat tluk kahdohnak a daih hnuah atu bantukin an i kah ṭhan hi a si, tiah theih a si. December 13 kahdohnak ah CDF Mindat lei in a thimi le aa hliammi kan um lo, tiah CDF Mindat nih cathanh an chuah.

Hramhram in uknak a latu SAC nih an tlaihmi hna PDF-Kalay sii lei hriamtlai nu 4 cu an hma an tuar ko nain SAC nih sii thlopnak nawl a pe hna lo tiah Kalay khuami pakhat nih The Irrawaddy ah a chim.

Sii thlopnak nawl a ngah lo mi nu 4 cu Lalmuankimi, Lalthanhluii le Lalpianfeli le Niang Don Ciin hna an si. Anmah hna hi SAC nih an tlaih hna lio ah bomrap ci nih a peh hna i an i hliam ko nain an hma a dam tiang SAC nih a thlop ter hna lo tiah a chim. Lalpianfeli hi hngakchia thonginn ah facang tun hna a cawi, ṭuang hna a ṭaih caah tai fah zawtnak a tuar tiah an chim.

Niang Don Ciin zong biahalnak lio ah an hrem tuk caah a mit le a hna theihnak a rawk ngai cang tiah theih a si. Anmah 4 hna i Chin miphun nu 5 he 2021 November thla ah SAC ralkap nih PDF-Kalay B03 sakhaan an rak luh hnawh hna lio ah tlaih an rak tong. Cu Chin miphun nu hna cu SAC ralkap nih hngakchia thonginn ah sual phawtnak 505 A, 50 (J) le 52 (D) hna in 2022 November thla ah thong kum 12 dan an tat hna.



Source link

Add a Comment

Your email address will not be published. Required fields are marked *