Kalaymyo Khuachung Bak Ah SAC Ralhrang Kahnak Thawngpang Thar

Kalaymyo ah SAC ralkap pawl bom puah hnawh an tong i 2 an thi, 6 hliamhma an tuar

Kalaymyo ah thazang 50 hrawng SAC ralkap pawl cu PDF-Kalay nih bom an puah hnawh hna i ralkap 2 an thi, ralbawi telh in 6 nak tlawmlo an i hliam tiah a thanh.

Kalaymyo, Taungphilar lam le cozah rianṭuantu umnak lam ki, July 7 chun sml 12 hrawngah PDF-Kalay nih bom an puah hnawh hna hi a si.

Hmanh cia a simi Bom umnak hmunhma ah SAC ralkap pawl an phak lioah bom puah hnawh an ton hi a si tiah PDF-Kalay nih a thanh. SAC ralkap 2 cu a hmun ah an thi i ralbawi telh in 6 nak tlawm lo hma an tuar tiah theih a si.

“Bom puah hnawh an ton hnu in SAC ralkap pawl nih a pawngkam ah meithal kah thlorh in an kah i mipi cheukhat zong meithal hmuah in khamnak ah an hman tiah PDF-Kalay nih a thanh. Sang chung sualnak ngei lo mipi pakhat zong an tlaih tiah theih a si.

Kalay peng ah mipi hriamtlai pawl doh ding in SAC nih Pyusawhtee pawl tangka an phalh hna tiah theih a si. Sihmanhsehlaw atu hnu cun Pyusawhtee pawl nih an ṭih cang i SAC ralkap pawl an zul duh ti hna lo tiah theih a si.credt-Thechinlandpost

Be the first to comment

Leave a Reply

Your email address will not be published.


*