Kampalet CDF An Thawngpang Theih Cu A Poi Tuk Hringhran E

Ralhrang uico pawl nih Kanpalet CdF cu cawl kho lo ding in ralkap thazaang a tomtom in an nam cuahmah cang tiah theih a si. Cucaah CDF Kanpalet he inkahnak a fak ngaingai caah Meithal kuan a caan ning te ah bawmhnaknpek khawh ding in mipi sin ah nawlnak an tuah.
Chokhleipar

Mithat lainawng ralhrang uico pawl nih Chin ramkulh le Magwe ramthen aa pehnak Kampalet hmunhma chung cu ralhrang uico nih control than ding in a tuhi biatak tein a nam caah CDF Kanpalet he gak ngai in an i kap hna . Cucaah mipi ralkap lei in kuan le zen siseh a herhbau mi pawl hi kan daih sual lo a si ahcub nialo kan si cang lai. Cucaah mipi lei nih a can chung te ah Bawmhnak nan kan pek a hau ko tiah halnak an tuah ve.

Kanpalet nichuahlei kam i Magwe ramthen pi, Kyauhtu, Saw le Laungsarsy khuapi hna an u mi i nitlaklei in Kanpalet peng, Mindat khuapi le Matupi peng hna he an i peh caah rallam sernak ding caah hmunhma a rem bik ak khuapi pakhat a si.

Cucaah ralhrang uicobpawl nih hin ral lam sernak hmunhma a that bik ak hmun a si caah ralhrang milu thazaang tampi hmang in Mindat khuapi le Kyauthtu khua um ralhrang pawl cu hriamnam ngan kahpiak ding in bawmh an hal hna. Cuticun Kanpalet CDF Headquarters lak ding in an nam chih len hna in Kanpalet CDF nih raltuk thiam kahnak ruangah nihin tiang cu an hlawh a tling rih lo.

Tu June thla chung in ralhrang milu 185 nih an nam hna i June 9 thawk in pehzulh in ninga chung Kanpalet CDF nih an hun kah lehrulh hna caah hnu an kir than. Cun june 13 ah voikhat hnu an kir than hna i June 15 ahcun ralhrang uico pawl cu Kanpale peng nichuahlei Magwe ramthen Laungsy khuapi le Kyauthtu hmunhma chung ah ralhrang thazaang an i khawmhsuat than tiah theih a si.

Cucaah Kanpalet CDF nih a caan chungte ah hriamnam thazaang le kuan le zen thazaang bawmh ding in halnak an tuah.

Be the first to comment

Leave a Reply

Your email address will not be published.


*