Kan Dohthlennak Hi Mahhi Thil Ruang Ah A Rau Rih Lai

Kan ram dothlennak caah hin ralhrang kan tei a harnak thil a ruang pakhat te a um. A ruang a tampi chung ah a biapi bik pakhat a um. Cucu mahhi a si.

Kan ram innpa hna nih mipi hi an kan bawm lo. Kan ram innpa hna nih Kawl ralhrang tu an bawmh hna caah ralhrang tei hi kan i harh bak ko rih lai.

Ram dohtlennak ahhin ram innpa hi an biapi taktak. Si lo ah vawlei cung ram thawng pakhat tel in hriamnam in bawmh hi a biapi tukmi le a herh tukmi a si.

Kan ram dohthlennak caah vawlei cung ah ram ah hriamnam a kan bawmmi an um lo. Kan ram innpa hna zong nih an kan bawm lo. Kanmah tein fund i kawl chom le mipi nih phaisa thawh chom mi lawng bak in meithal le kuanzen cawk a si tik ahhin a fawi bak lo. Cu kan cawk cia hmamh ramri ah tlaih kan tong lengmang fawn. India ralkap nih an kan tlaih chel, Thailand ralkap nih an kan tlaih chel a si.

Fawi tein ralhrang kan tei khawhnka ding ahcun kan innpa a simi India, Thailand, China or Bangladesh ram hna nihhin kan bawm hna seh law fawi deuh in ralhrang uknak hi kan tei khawh lai.

Anmah ralhrang tu cu Tuluk nih a bawmh hna. India nih a bawmh rih hna. Kanmah bawm loin anmah ralhrang tu kha bawmh an si caah a fawi ding cu a si bak lo.
Mizoram hi dohthlennak an rak tuah lio ah Paksitan nih tamtuk a rak bawmh hna. Cu pin ah Tuluk nih tamtuk a rak bawmh hna. Meithal hriamnam tampi a rak bawmh hna i an thazang a rak thawng.

Bangladesh khi Pakistan ram in luatnak an hmuh khawhnak ding caah India nih tamtuk a rak bawmh hna. Hriamnam tamtuk a rak bawmh tawn hna. Cuticun luatnak an hmu.

Kan ram dothlennak ding caah a biapi bik cu kan ram innpa a simi hna nih kanmah mipi bawm loin an mah ralhrang tu an bawmh pengmi hna hi a si. Mahhi a poi bak mi a si. Cu caah kan can hi a rau ko lai. Kanmah thazang le thiamnak bak in raltuk a si lai caah hin a rau khomi a si. Credit: Jame Thang

Note: Hihi news a si lo. Catial tu ruah ning le hmuh ning asi. Website dang nih copy in post chin lo ding. 

Be the first to comment

Leave a Reply

Your email address will not be published.


*