Kan Inn le Lo Ralhrang uico pawl nih Tong ngam bak hna hlah seh tiah mah hi rak tuah cio uh

Kan khua, kan inn le kan lo him deuh seh ti kan duh ahcun mah hi a tang lei pawl hi rak tuah cio cang hna uh. Ralhrang pawl an rim deuh hrimhrim ko lai.

A tulio cu Kawl ralhrang pawl nih khua na phaknak le an riahnak poh cu inn khangh ta, thilri fir dih le lak dih a si cang caah kan zamtak hnuhnu cu kan thilri a him ti lo tinak kha a si ko.
Kawl ralhrang pawl nihhin thil man fak lawng an la lo. Facang tiang in an lak. Vok le Ar tiang in an thah hna. Phaisa a um hnga maw? Sui a um hnga maw tiah an inn lo an thlok dih tawn.

Cu ruang ah Kawl ralhrang pawl Chinram khuate ah an duh ning in inn le lo rawk ngam ti hna hlah seh, fir ngam ti hna hlah seh, tih deuh cang hna seh ti kan duh ahcun a tang lei pawl hi rak tuah cio cang hna usih.
Facang na kaltak mi tlawmpal ah khan thih si peih uh. Thih sii cu a tampi ko. Zuu sii tibantuk pawl peih ta uh. 
Facang na kaltak mi kha a dihlak te si lem loin tlampal nai chingchiahnak ding ah khan thih sii peih ta. Cucu ralhrang pawl nih an lak te lai i an ei ahcun an caah a fak ngai ko lai. An lak lo a si ahcun na peihnak kha nai chingchiah ko lai caah nangmah nihcun na hlonh than khawh ko.

Nan inn ka ah rap chiah uh. Inn an van on bak in fei nih van chunh colh ding phun, si lo ah inn ka cung ah lungtum le thingtan nih van tlak colh ding phun khin tuah uh.
Nan inn hlei kha phelh uh. Nan inn lei kha a sangmi a si ahcun a tang lei kha ngel. Si lo le nan inn hlei van kai lainak zawn ah khan khur co ulaw a tang ah fei tibantuk chiah uh. An van lamh bak in fei nih chunh colh ding phun in tuah uh.
Na Motircycle datsi la dih. Na Motorcycle kha na phoih khawh tawk phoih ta hna. Na zam lai ah khan na Motorcycle kha datsi la ta dih. Si lo le phoih khawh tawk phoih ta dih. A him deuh lai.

Kan Lai thluak bak in ralhrang kan inn an luh tik le kan thilri an tongh tikah harnak tuar ve hrim hna seh tiin rap chiah bak ding a si ko.
A cung lei pawl hi kan tuah ahcun Kawl ralhrang pawl an rim hrimrim lai. Mi inn le mi lo ah an duh ning poh in an lut ngam in thil an fir ngam hrimhrim ti lai lo. Hihi nan khua ah ralhrang an phak lai i nan zam lai ah tuah ding mi thil a si lai.
Rak sahre cio hram uh. Kan him deuh hrim ko lai. Credit: Cung Lian Bawi 

Be the first to comment

Leave a Reply

Your email address will not be published.


*