Kan Miphun Ralkap Hna nih Ralhrang “Gate” An Va Kah i, Hriamnam an laak khawh pin ah ralhrang hi zat bak an thi. – Thawngpang Dik Thanh Hna Usih


Pakokku Ah SAC Ralhrang ‘Gate’ Kah A Tong, Ralhrang Thimi Le Hriamnam Lakmi Thawngthanh An Tuah!Magway ramtthen Pakokku khuapi Pakokku University le Chohkan (ခြောက်ကန်) karlak ah ummi SAC ralhrang cheknak ‘Gate’ cu tualchung hriamtlai phu hna nih an luhhnawh hna caah kahdohnak fakpi a chuak tiah (Earthquake People Defense Force) nih thawngthanhnak an tuah.

December 18 chun slm1:00 tluk ah cheknak ‘Gate’ hngak tu SAC ralhrang 4 cu (Earthquake People Defense Force) nih an luhhhnawh hna i ralhrang 3 cu a hmun ah an thi colh, pakhat cu hliam faktuk a tuar tiah thawngthanhnak an tuah.

Hi kahdohnak ah MA3 meithal 1, Usi meithal 1, G3 kuan fang 500, G3 kuan bom 2, tangka singthum, phone 2, hmah-pung-ttin hna le thilri dangdang hna zong lakchih an si hna tiah (Earthquake People Defense Force) nih thawngthanhnak an tuahchih.

CDF-Zophei Nih Hriamngan Phun 2 An Serchuah.Chinland Defense Force -Zophei (CDF-Zophei) nih CBCUSA CDF Supporting Committee bawmhnak thawng in hriamngan phun 2 an serchuah cang tiah theih asi. ”CBCUSA CDF Supporting Committee bawmhnak thawng in, CDF-Zophei nih Chanthar fiamthiamnak hmang in;

Hriamnam ngan, phunhnih (Zun-12) hrawng Serchuah khawh a si cang. Ruahnak leng tiang hmanh in a ṭha i, a hmannak le a rianṭuannak zongah santlaihnak le ṭhahnemnak tampi a ngei lai tiah kan zumh” tiah Zophei Information Center nih an Facebook cahmai ah an langhter.

2022 December 16 – SAC nih vanlei in kahdohnak a tuah ruang ah Sagaing ramṭhen, Yinmapin peng, Yinbaungdai khua December 16 zinglei ah a puak rih lo mi hriamngan an tongh ruang ah hngakchia 2 an nunnak a liam tiah khuami hna nih RFA ah an chim.

A nunnak a liam mi hna hi kum 5 hngakchia Mg Htet Bone Naing le thla 7 lawng a si rih mi Mg Hein Thura Kyaw hna an si tiah a chim.Vanlei in kahdohnak an tuah lio ah a taang i a puak rih lo mi hriamngan an tongh i a puah caah an nunnak a liam hi a si tiah khuami 1 nih RFA ah a chim.

Yinbaungdai khua cu SAC ralkap nih August 11-14 tiang vanlei le vawlei lei in fonh in fak pi in kahdohnak a tuah i cu lio ah kum 10-85 kar mipi 19 an nunnak a liam.RFA nih a khawmhsuat mi cazin ning ah October 1 in November 30 tiang thla 2 chung ah SAC i vanlei, vawlei lei, hriamngan kah ruang le Bomrap buah ruang ah mipi 105 an nunnak a liam cang i 263 an i hliam. A nunnak chung ah hngakchia 15 an i tel i hliam a tuar mi hngakchia 47 an i tel.

Matupi In A Zaammi SAC Ralhrang Tlaihkhih An Tong!Chin ramkulh Matupi hrambunh SAC ralhrang 140 Battalion in hriamnam tling he a tlizaam mi ralhrang pawl cu December 17 ah SAC ralhrang nih an tlaih tthan hna tiah theih a si.

SAC ralhrang chung in a tlizaam mi an um ruangah December 14.2022 ni thok in SAC ralhrang nih an kawl hna i khualuh chuahnak zong an phihkhar dih hna hnu ah a tu bantuk in ralhrang 3 hna cu hriamnam he tlaihkhih an si tiah theih a si.

Tualchungmi chimnak ah cun Bungtlang tisor kam ah meithal puah thawng kan theih. A zaammi SAC ralhrang pawl le a kawltu hna SAC ralhrang pawl an i kah hnu ah an tlaih tthan hna hi a si tiah an chim.

 



Source link

Add a Comment

Your email address will not be published. Required fields are marked *