Kan Nau Le CDF Nun Hi Rak Zoh Ve Hmanh

Kan nau le CDF hna hi zangfak tuk an sj ee. Kedenh tha hmanh an i denh kho lo.

Kan ram le kan miphun caah nunnak pek ngamh in hriam a tlai i ramtang khuasik lak ah rian a tuan mi hna kan nau le Kedenh hi rak zoh ve hmmah. Na lungsia a rem bal lai lo.

Nulepa he chungkhar he nuam tein um an duh ve ko nain kan semnak kan ram le kan miphun himnak ding ahcun tiin meithal an tlai i ramtang ah hmun an khuar hna.

Ramleng ummi hna zong nih kan kaltak mi kan chungkhar, kan khuami le kan pi le pu vengtu an si timi van kan theih piak hna uh.

Kedenh chia te, hri in tem chommi he can zeimaw zat chung cu kan ram himnak ding caah nunnak thap in rian an tuan. Upat lo awk an tha lo.

Kan theih cio bang tuk in Kedenh loin ho hmanh nih ramtang ah kal awk a tha lo. Sihmanhsehlaw a tlek dih cangmi kedenh cu tem chom in kan miphun le ram caah ral an do.

Kan inn lo a khangh dih tu, kan Biakinn a khang dih tu, kan mipi a kan that tu le an kan tlaitu Min Aung Hlaing uico pawl cu kedenh chia te i denh in an doh hna.

Kan miphun ralkap caah ramleng ummi si usih, ramchung ummi si usih thazang kan chuah zungzal a hau rih ko. Biatak tein thazang kan chuah chin lengmang a hau.

Be the first to comment

Leave a Reply

Your email address will not be published.


*