Kan Pasal le kum 16 hrawnghrang tleirawl tete nih nunnak an pek tikah ka celh tawn lo

Raldohnak ah kan pasaltha hna nih an nunnak an pek, kum 16 hrawnghrang tleirawl tete nih nunnak an pek tikah ka celh tawn lo. Cun rapthlak tuk in an thah mi hna, an kan tuahto piak mi hna ka zoh ah ka celh lo.

Keimah nau taktak hei tong hna sehlaw, ka fale taktak hei tong hna sehlaw timi zong in ka ruahchih tikah ka thinlung fah a zual.

Inn lo an khangh, khua an khangh, Thantlang khuapi an khangh, keimah pumpak dirhmun inn lo le khua dirhmun in ka zoh chih.

A caan ahcun “A ze na nau maw a thi, a poi tuk ti vial in velhle lungfah pinak” men in ka ram boruak le kan pasaltha hna nunnak an peknak hi a cuan mi kan um sual maw ka ti caan a tam.

Kumkhat chung ah Chin minung tingkhat leng nih khuaram kan zaam tak. Chinland cu Chin miphun caah Pathian nih an kan pek mi a si tikah, ka ruah mi a tampi

Cu caah, phunzai loin, ka tuah khawh mi um aikun tiah nihin tiang ka cawlcang ve. Kan ti khawhnak lam cio in kan ram kan chanchuah colh lo ahcun, kan unau hna zeizat riamruam dah an liam rih lai timi ka ruah ah ka celh lo.Mah vial, a dong! Credit-Salai Cung Dawt

Be the first to comment

Leave a Reply

Your email address will not be published.


*