Kan Pasaltha Hna Nih Ralhrang Mawtawsaikel ai ciit mi an kah Hna hi tam taktak an thi. – Thawngpang Dik Thanh Hna Usih


SAC Ralhrang Ciitmi Cycle 12 Kahnak Ah Ralhrang Thimi Thawngthanh, PDF Tlaihkhih Tongmi Zong A Luatmi An Um!.Mandalay, Madaya (မတ်တရာ) pengchung ah SAC ralhrang pawl ciitmi ‘Cycle’ 12 cu tualchung hriamtlai hna nih an kah hna i ralhrang 5 an thi tiah Bo Nat Soe ( ဗိုလ်နတ်ဆို:)nih Khit Thit ah a chim.

December 13 ah SAC ralhrang nih an tlaihmi hna PDF minnung 4 hna cu ralphaw ah an hman hna i cycle 12 in See(ဆည်) tlaanglei ah an kalpi hna lio ah tualchung hriamtlai hna nih an kah hna i ralhrang 5 an thi tiah theih a si.

“Hi kahdohnak ah tlaihkhih a tongmi hna PDF minung 4 chungin 2 cu an chuakzaam kho i pa 2 tucu an tlaihtthan hna” tiah a chimchih.

December 12 zaanlei suimilam 4:00pm tlukhrawng ah PDF minung 3 cu Madaya peng Seihta(ဆိတ်သာ) khua ah SAC ralhrang nih mipi thilthuam hruk in an kham hna i hriamnam he an tlaih hna hnu ah a pawngkam khuate pakhat ah PDF minung pakhat zong an tlaihchih tiah theih a si.

Cu bantuk tthiam in Kayah ramkulh Hpruso(ဖရူဆိုမြို့) khuapi, Lawbuda (လောဘူးဒါး) ah SAC ralhang umnak sakhan cu KNDF/B-04 le KA honh nih luhhnawh in ankah hna i SAC ralhrang in pakhat a thi, tualchung hriamtlai fonh in hiamtuar an umlo tiah theihchih a si.

Magway ramtthen Gangaw peng Pitaukkone (ပိတောက်ကုန်း) khua pawngah tualchungmi pakhat cu SAC ralhrang nih, December 5 lio ah an raktlaih i an thahhnu ah a ruak an hlonh mi cu 14.12.2022 nihin cun ah hmuh a si tiah tualchungmi sin in theih a si.

Mandalay ramtthen Myingyan (မြင်းခြံ) peng Ywarthit (ရွာသစ်ရွာ) khua ah ummi mipi 6 hna cu, December 9 lio ahkhan SAC ralhrang nih an raktlaih hna i an thah hna hnu ah ruakhnih ruakhnih in an tthen hna i, December 13 zaan ahkhan hmunthum ah an hlonh hna tiah Khit Thit nih a langhter.

Thah a tongmi hna minung 6 ruak cu Myingyan peng chung hmunthum ah an hlonh hna i 13.12.2022 zahan zaan ah hmuh an si tiah Myingyan mipi lei cawlcang tu “Committee” sin in theihchih a si.

SAC ralhrang 88 ttet-ta (တပ်မ ၈၈ တပ်သား) hna nih an thahmi hna ruak an hlonhdih hna hnu in, December 13 zaan suiumilam 11:00pm tluk ah ‘4 Wheel’ mawtaw pakhat le hmanlung mawtaw pakhat an i ciit i Myingyan pengchung in an chuak tiah theih a si.

#Cherhchan:Yangon Khit Thit Media

 



Source link

Add a Comment

Your email address will not be published. Required fields are marked *