Kan Pasaltha Kan Arfi 3 An Til Than e Poi Tuk Ai e – Onlinenungak


Bomb Chuahsualnak In Tamu PDF Ralkap Pathum An Nunnak A Liam, Sagaing ramṭhen, Tamu peng ah SAC ralkap puahhnawh ding in PDF nih hmanhmi bomb cu, mizapi harnak a pek sual hna lai tiin an fimhlawm lio ah bomb a puah caah PDF ralkap pathum an nunnak a liam, tiah theih a si.

Tamu peng PDF pakhat le anmah he ṭangṭi ralkap pahnih cu, December 1 zan ah bomb an fimhlawm lioah a puah caah an nunnak a liam. Kan lung a fak tuk i kan ngaih a chia hringhran ko, tiah People’s Defence Force(Kalay) chungtel pakhat nih a chim.

PDF ralkap pathum chungah pakhat cu sml 10:00 chung tiang hrawng a thaw a taang rih. Siibawi te nih khuaihlainak an tuah hnu December 2 zing sml 4:00 hrawngah a nunnak a liam, tiah Tamu PDF sii ralkap chungtel pakhat nih a chim.

Tamu khua chung lawngah SAC ralkap nih an uk khawh i, a kiangkap khuate hna cu Tamu PDF nih an uk pen dih. PDF nih an nunnak mansung an pek cuahmah bantukin dohthlennak fak deuh in kan tuah a hau, tiah Tamu khuami hna nih an chim.

“Dohthlennak khuallam hi a har tukmi a si. Mizapi nih pumsa duhnak vialte kaltak chung in dohthlennak hi fak piin kan kalpi a hau,” tiah PDF ralkap hringtu a pa nih a chim.

Tamu khua chungah SAC ralkap le PDF kar kahdohnak a zual tuk caah khuami hna i ralrin dingin PDF nih ralrin an pek hna, tiah theih a si. The Chin Post

Chinram, Gangaw Le Kalay Ah Mei A Ra Kho Rih Lai Lo
============

Chinram kulh, Yaw le Kalay, Kabaw hmunram ah electric mei a kalnak Pauk peng Nyaungpinkyi-Chaungku 230KV meihri a cah ruangah a luancia November 28 thawk in mei a mit dih, tiah theih a si.

“Cu meihri cu a luancia November 31 thawk in remh hram kan thawk i December 2 ah 230KV mei line ah hmanmi meihri chuahsualnak a um caah a ra laimi December 4 zan hrawng lawng ah mei a ngah te lai,” tiah ṭuanvo ngeitu pakhat nih a chim.

Electric mei a rawh ruangah Chinram kulh, Hakha, Falam, Mindat, Matupi, Kanpetlet le Gangaw pengkomh ah Htilin, Saw, Kyaukhtu, Pauk, Gangaw le Kalay pengkomh vialte mei a mit dih, tiah theih a si.

Caan sau nawn mei a rawh cang caah Kalaymyo ah mei seh, solar le electric mei he aa pehtlaimi thilri a man ngaingai. Cu ṭhiamṭhiam in Hakha zong ah battery le solar a um lo tluk a si cang, tiah theih a si.

Waimaw (ဝိုင်းမော်) Ah Inn A Kang, Chungkhar Minung 7 A Kangh Chih Hna
Kachin ramkulh, Waimaw peng Naungching (နောင်းချိန်) khuakomh, Innkan (အင်ဂန်း) khua ah nizan December 1 ah inn pakhat a kaang i unau 6 le an piter pakhat cu mei nih a kangh chih hna tiah theih a si.

Inn a kaang i an thilri zong a kangh chih dih. Inn tang i meilul( Phayaungdan) an vaan mi in mei aa thok lai tiah kan ruah. Inn tang i an chiahmi datsi pung a puah hnu lawngah kan theih i meiphalh nak caan zong kan ngei manh lo ngakchia kum 2 tel in Unau 6 le an piter kum 70 tluk cu mei nih a kangh chih hna tiah tualchungmi pakhat nih a chim.

An inn a kangh lio ah hin an pa cu lei(neel) ah a um lio a si i, an nu nih meithah dingin ti cawi ah a kal i a ṭih tuk nak ah lungfim lo in a rak tlu tiah a chim chap. Inn kanghnak in a nunnak liam mi hna hi piter kum 70 le an fa le ngakchia bik kum 2 in upa bik kum 11, an dih lak minung 7 an si tiah theih a si.

Cu Inn kanghnak ah cun cycle pakhat, lei thuannak seh pakhat, phaisa sing 20 le innchung thilri a dihlak in a ciam dih tiah theih a si. The Chin Post


Post Views: 22



Source link

Add a Comment

Your email address will not be published. Required fields are marked *