Kan pu Biden cu tuchun ah Covid-19 avoi thumnak a positive hoi

Kan pu Biden cu tuchun ah Covid-19 avoi thumnak a positive hoi. Covid a ttih bikmi le a ralring bikmi si nain voi thum tiang covid i tlaihter cu lung lei tha lo.

Biden cozah nih President Trump cu a sual kawl duh ah Merrick Garland, United States Attorney General ) theihpinak in a inn ah FBI nih an luh hnawh i a sual an kawl. White House in a thial ah classified information documents zeimawzet aa kalpi tiah an puh. Kum 2 a tling deng cangmi atu ceo i kawl cu aww. Nih chuak zong si.

Asinain mi tampi nih an zumhmi cu 2024 ah President i cuh kho lo ding in a sualnak an kawlmi si an ti. Capital Hill buainak kongah Trump cu a sualnak an kawl nain zei an hmuh khawhmi a um rih lo caah phundang in a sual an kawl than a si lai tiah an zumh.

Merrick Garland hi US Attorney Genera a tuan liomi si. Obama nih Supreme Court ah nominate a rak tuah nain Republican nih an rak kham khawh caah an hlawh a tling lomi pa a si. Biden nih President a si hnu ah vuanci rank a pekmi a si.

US upadi ah cozah tuan liomi nih cozah dotu party kha cozah Agency hmang in an sualnak kawl phung si lo. An kawl ahcun criminal a si. Marlick Garland cu a rannak in a rian phuah dingah Republican party nih an hal.Crrdt-Salai Lairam Thang

Be the first to comment

Leave a Reply

Your email address will not be published.


*