Kan Sunsak Mi Kan Laithil Hi Mah Bantuk Kedenh Ca Men Ah Tuah Awk A Si Maw?

Kan sunsak mi kan Lai thuam mah bantuk in Kedenh ah tuah hi a herhnak a um maw? Nang mah bantuk Kedenh hi na duh ko maw?

Vawlei cung ahhin miphun tampi an um hna. Mah bantuk miphun nih an miphun thuam thil a simi kha Kedenh caah an i hman bal hna lo. Kedenh caah an tuah bal lo.

Sinain kannih Laimi hi kan fim hlei le kan thiam hlei ruang ah maw a si hnga. Lai thuam bak Kedenh caah tuah hi cu sia a rem kho bak lo. A nu nu kedenh caah an tuah cang i a hnu ahcun pa kebut ca zong ah an tuah te lai a fiang ko.

Lai miphun nih kan sunsak tukmi Angki, Puan le hnu hni ca lawng ah kan hmanmi a a si. Cu caah kedenh caah tuah hi cu kan Lai thuam kan sunsak si loin kan Lai thuam kan neek, zei ah kan rel lo a langhnak kha a si.

Kan Lai thuam hi kan sunsak a hau. Ni pical le pumhnak nak deuh lawng ah Lai thuam zong hi kan hman ding a si. Ni sawhsawk umnak le vaknak sawhsawh ca zong kan Lai thuam hi kan hman awk an si lo.

Zapi nih zeitindah na ruah cio? Kan Lai thil thuam hi mah bantuk Kedenh sawhsawh ca men ah kan hman awk le kan tuah awk a si maw? Crd-Thestar

Be the first to comment

Leave a Reply

Your email address will not be published.


*