Kaung For You Sianguk Telh In Cachim Saya Pathum Kan Tlaih Hna Tiah SAC Ralhrang Nih Thanh

Kaung For You sianginn a dirhtu Zunguk kan tlaih cang tiah SAC ralhrang nih an thanh.

K4U mipi nih an theih ngaimi Online sianginn cacawnnak Kaung For You dirhtu U Kaung Htat Soe cu July 13 Shan thlanglei Aungpan khuapi ah ralhrang nih kan tlaih tiah an thanh.

U Kaung Htat Sor he a dang siang cachim sya pahnih kan tlaih chih hna tiah an langhter. SAC ralhrang nih cathanh an tuah ning ah mah Kaung For You sianginn cachimnak ah aa telmi saya/mah pawl, phaisa lei bawmchan tu le hi sianginn ah aa teltum mi poah cu dantatnak kan tuah hna lai tiah an langhter.

SAC ralhrang nih uknak an lak hnu ah ralhrang nih an on mi sianginn ah a kai duhlo mi pawl caah NUG cozah nih online in sianginn cacawnnak pawl tampi a tuah mi chungah Kaung For You online sianginn hi aa telmi a si i mipi zong nih an uar ngaimi sianginn le an duh ngaimi zong a si fawn.

Nihin ralhrang nih thawngpang an thanh ningah Kaung For You sianginn i cachimtu sya/ mah minung 16 nak tam an tlaih cang hna. Kaung for You sianginn i cachim saya/mah pawl tlaihnak kongkau he pehpah in NUG fincawnnak vunci 2 nih a social media cahmai ah a fehter. Ref/People Spring

Be the first to comment

Leave a Reply

Your email address will not be published.


*