Kawl nu pawl an ngamh san tuk ning hi rak zoh hna uh.

Kawl nu pawl an ngamh san tuk ning hi rak zoh hna uh. PDF sakhan umnak dalan nih ralkap sin ah nan chim an ti i an fuh hna.

Myaing peng Chuangsin khua pawng ah a ummi PDF sakhan cu ralhrang sinah nan chim an ti ruang ah an inn cu nu ralkap pawl nih thingtan le lungtum bak in an luh hnawh hna.

May thla dih hrawng ah khan PDF sakhan cu Kawl ralhrang sinah U Htint Swe timi pa nih a chim ruang ah ralhrang nih an rak luh hnawh hna.

Kawl ralhrang nih PDF minung 6 zong an rak tlaih hna i a tu tiang an thlah ti hna lo. An thah cang hna lai tiah zumh a si.

Dalan U Htint Swe cu PDF pawl nih an kan theih lai ti phan in khua ah a um ngam ti lo i a zam ve. A zamnak hmun in PDF pawl cawlcanghnak cu ralhrang sinah a thanh rih peng ko hna ti a si.

Cu ruang ah U Htint Swe inn ahcun PDF nu ralkap pawl an va kal i thingtan le lungtum he a inn cu an fuh. Nan inn lo zong kan khangh dih lai tiah ralrin peknak an tuah.

Be the first to comment

Leave a Reply

Your email address will not be published.


*